ءبىر وكىنىشتىسى، عارىش سالاسىنا جاۋاپتى شەنەۋنىكتەرىمىز رەسەيدىڭ ءسوزىن سويلەگىش. بۇل جولى بەيبىت اتامقۇلوۆ نەگە تابانسىزدىق تانىتىپ وتىر؟ قۇلاعان زىمىراننىڭ ونىڭ ءوزىنىڭ، وتباسىنىڭ دەنساۋلىعىنا ەشقانداي زيانى جوق شىعار. بىراق…

قىزىلوردا مەن جەزقازعاننىڭ سابيلەرى سوڭعى 10-15 جىلدا ونكولوگيالىق اۋىتقۋشىلىقپەن تۋىپ جاتىر. عالىمداردىڭ زەرتتەگەنىندەي، توپىراق ارقىلى ازىق-تۇلىكتەن ادام اعزاسىنا جەتەتىن گەپتيلدىڭ ۋى ورتالىق جۇيكە جۇيەسىن زاقىمدايدى. ونداي ادام ۇمىتشاقتىققا، سەلقوستىققا، ۇيقىسىزدىققا ۇشىرايدى.

ءبىر عانا مىسال. مەنىڭ اۋىلىما جاقىن جەرگە (قاراعاندى وبلىسىنىڭ اقتوعاي اۋدانى، كەجەك اۋىلى) ءبىر كەزدەرى «پروتون» قۇلادى. ەگىنجايداعى زىمىراننىڭ قالدىعىن قوراسىنىڭ ۇستىنە اكەپ قويعان اۋىل تۇرعىنى – بوراش اعا ەرتەڭىنە كوز جۇمعاندا، جۇرت جاعاسىن ۇستاعان.

مۇنداي مىسالدار جەتەرلىك.

تولەن تىلەۋبايدىڭ facebook پاراقشاسىنان

Abai.kz