الماتى وبلىسىندا ەلباسىنىڭ بيىلعى جولداۋىنداعى تاپسىرمالاردى ورىنداۋ ماقساتىندا 6 دەنە شىنىقتىرۋ-ساۋىقتىرۋ كەشەنىن سالۋ جوسپارلانىپ وتىر. قازىرگى تاڭدا ولاردىڭ ۇشەۋىنىڭ قۇرىلىسى قارقىن الدى، دەپ حابارلايدى اباي-اقپارات قازاقپاراتقا سىلتەمە جاساپ.

مەملەكەتتىك-جەكەشەلىك سەرىكتەستىك نەگىزىندە سپورت نىساندارىنىڭ قۇرىلىسى قاراساي اۋدانىنىڭ رايىمبەك جانە شامالعان اۋىلدارىندا باستالدى. ال   قاپشاعايدا ەندى  سالىنادى. بۇل نىسانداردىڭ جالپى قۇنى 8 ملرد تەڭگە. جالپى وڭىردە 2015-2018 جىلدار ارالىعىندا 6 دەنە شىنىقتىرۋ-ساۋىقتىرۋ كەشەنى سالىندى.

كونستيتۋتسيا كۇنى قارساڭىندا الاكول اۋدانىنىڭ ورتالىعى ءۇشارال قالاسىندا «تارلان» دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى. سپورت نىسانى مەملەكەتتىك-جەكەشەلىك ارىپتەستىك اياسىندا سالىنىپ، وندا بوكس، كۇرەس، دزيۋدو، تاەكۆوندو، اۋىر اتلەتيكا جانە فۋتبول سىندى سپورت تۇرلەرىمەن اينالىسۋعا بارلىق مۇمكىندىكتەر قاراستىرىلعان.

«مەملەكەت باسشىسىنىڭ تاپسىرمالارىن ورىنداۋ ماقساتىندا الماتى وبلىسىندا سپورتتى دامىتۋ مەن حالىقتى سالاۋاتتى ءومىر سالتىن ۇستانۋعا تارتۋ باعىتىندا بەلسەندى جۇمىستار جۇرگىزىلۋدە. بۇگىنگى كۇنى وڭىردە 3 مىڭنان استام سپورتپەن شۇعىلدانۋ ورىندارى مەن 37 سپورت مەكتەبى قىزمەت كورسەتۋدە. جالپى وبلىس بويىنشا 500 مىڭنان استام ادام سپورتپەن تۇراقتى تۇردە اينالىسادى.

«قازىرگى تاڭدا 6 جوبا مەملەكەتتىك ساراپتاما قاراۋىندا جاتىر. ول قاپشاعاي قالاسى، كوكسۋ اۋدانى، بالپىق بي، ەسكەلدى اۋدانى قارابۇلاق، بالقاش اۋدانى باقاناس، الاكول اۋدانى دوستىق بەكەتتەرىندە مەملەكەتتىك ساراپتامادا جاتقان جوبالار وسى جىلى قولداۋ تاپسا، كەلەسى جىلى قۇرىلىسى جۇرگىزىلەدى»، - دەدى وبلىستىق  دەنە شىنىقتىرۋ جانە سپورت باسقارماسىنىڭ ءبولىم باسشىسى المات ۇشكەمپىروۆ.

Abai.kz