حالىق ءبىر سەرپىلىس كۇيىندە ءجۇردى. "بۇگىن جاعدايىمىز ناشار، بىراق ەرتەڭ جاقسى تۇرامىز" دەگەن ويدا بولدى. ءتىپتى اعا-اكەلەرىمىزدىڭ ايتۋى بويىنشا 1997 جىلى "قازاقستان-2030" ستراتەگياسى شىققان ساتتە، ولار شىنىمەن سول جوباعا سەنىم ارتتى. ونداعى ءار بولىمدە ايتىلعان جوسپارلاردىڭ ىسكە اسىپ، قازاقستاننىڭ كەمەلدەنگەن كەلەشەككە جەتەرىنە كۇمان كەلتىرمەدى. ءار باستاماعا شىن نيەتىمەن قاتىسقان، سەنگەن جاندار كوپ ەدى...

الايدا 2000-جىلداردان باستاپ سول ءبىر ازاتتىقتىڭ رۋحى حالىقتا جوعالعان سياقتى. ەرتەڭگى كۇنگە سەنىم جوق. ءيا، 90-جىلدارمەن سالىستىرعاندا حالىقتىڭ الەۋەتى وسكەن، ول كۇمانسىز. دەي-تۇرا ەندى بۇقارا كوپتەگەن ستراتەگيالارعا، رەفورمالارعا سەنبەيدى، جاڭا ساياسي توپتارعا كۇمانمەن قارايدى، ەكونوميكالىق جوسپارلاردى بوس ءسوز سانايدى.

"قازاقستان-2030", "2020 باعدارلاماسى", "100 اۋرۋحانا، 100 مەكتەپ", "رۋحاني جاڭعىرۋ", "ماڭگىلىك ەل", "اقبۇلاق باعدارلاماسى", "ديپلوممەن اۋىلعا", ءتۇرلى جىل سايىنعى ايتۋلى جىلدار (2003-2005 اۋىل جىلى سىندى) جانە ت.ب ساياسي باستامالار حالىقتى ەلەڭ ەتكىزبەيدى. سەنبەيدى، كۇمان باسىم.

ازاتتىقتىڭ رۋحىمەن تالاي دۇنيەنى توڭكەرىپ تاستاۋ كەرەك ەدى. سينگاپۋر سىندى، مالايزيا سياقتى. تاريح سىيلاعان مۇمكىندىكتى پايدالانا الماعانىمىز-اي. بىراق ءالى دە كەش ەمەس، كوردەن شىعۋدىڭ عانا جولى جوق، ال قالعان كەدەرگىنى جويۋعا بولادى.

اسحات قاسەنعاليدىڭ facebook پاراقشاسىنان

Abai.kz