جولداۋعا قاتىستى شۇعىل كەڭەس ءوتتى
18 قازاندا قر پرەزيدەنتى اكىمشىلىگىنىڭ باسشىسى اسەت يسەكەشەۆ مەملەكەت باسشىسىنىڭ قازاقستان حالقىنا جولداۋىندا بەرگەن تاپسىرمالارىنىڭ ورىندالۋ بارىسى تۋرالى شۇعىل كەڭەس وتكىزدى، - دەپ حابارلايدى اباي-اقپارات Baq.kz باسىلىمىنا سىلتەمە جاساپ.
قاتىسۋشىلار مەملەكەت باسشىسىنىڭ جولداۋىن ىسكە اسىرۋ بويىنشا ءىس-شارالار جالپىۇلتتىق جوسپارىنىڭ نەگىزگى باعىتتارىنا قاراي جۇمىستىڭ الگوريتمى مەن مەحانيزمدەرىن تالقىلادى.
پرەزيدەنت اكىمشىلىگىنىڭ باسشىسى جوسپارلانعان شارالار بويىنشا ءتيىمدى ىسكە اسىرۋ جانە ناقتى ناتيجەلەرگە قول جەتكىزۋ ءۇشىن مۇددەلى مەملەكەتتىك ورگانداردىڭ جۇمىسىن ۇيلەستىرۋدى تاپسىردى.
اسەت يسەكەشەۆ ۇلتتىق جاڭعىرۋ كوميتەتىنىڭ نەگىزگى تاپسىرمالارى مەن فۋنكتسيالارىنا توقتالدى. بۇل ۆەدومستۆو مەملەكەت باسشىسىنىڭ ارنايى تاپسىرماسىمەن ەلدەگى نەگىزگى ستراتەگيالىق قۇجاتتارعا كەشەندى مونيتورينگ جۇرگىزەدى جانە ىسكە اسىرۋدى باعالايدى.
كەڭەس قورىتىندىسى بويىنشا قاتىسۋشىلارعا بارلىق دەڭگەيدە جۇيەلى باقىلاۋ، سونىمەن قاتار جولداۋداعى الەۋمەتتىك ماڭىزى جوعارى ءبىرىنشى كەزەكشى تۇرعان شارالاردى ىسكە اسىرۋ تاپسىرىلدى.
قر پرەزيدەنتى نۇرسۇلتان نازارباەۆ 5 قازاندا قازاقستان حالقىنا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىن وقىدى.
Abai.kz
