«رۋحى جاداۋ ادام تومەنشىك بولادى» دەپتى گەتە دەگەن ويشىل. ءبىزدىڭ رۋحىمىز قانداي دەڭگەيدە؟

مەنىڭشە، رۋحىمىزدى تومەندەتۋ ءۇشىن دۇشپاندارىمىز جىمىسقى امالدار جاساپ جاتىر. سونىڭ ءبىرى - ءوز ەلىمىزدى وزىمىزگە جامانداتۋ.

الەۋمەتتىك جەلىدە شىندىقتى ايتتىم دەيتىن اقىندار كوبەيدى. ءتىپتى ولاردى ابايعا تەڭەيتىندەر دە بار ەكەن. شىن مانىسىندە «ە، ءبىتىپپىز عوي، سورلى ەكەنبىز عوي» دەگەن وي قالىپتاستىرۋدىڭ تاپتىرماس امالى.

وسىنداي اقىنسىماقتارعا ەساعانىڭ «ەلىڭدى جامانداما» دەگەن ولەڭىن وقى دەپ ايتار ەدىم.
ەلىڭدى جامانداما جامانداتقىر،
وتىرسىڭ ۇپاي جيناپ، امالداپ قۇر.
اداسىپ بوتەن ەل-جۇرت، بوگدە ولكەدە،
جەتە الماي ەل-جۇرتىڭا ارام قاتقىر.
تۇرعان سوڭ جاقىن ەل-جۇرت، جاقىن اۋىل،
ەلىڭدى جاماندايسىڭ اقىماق ۇل.
قايتەر ەڭ بوتەن ەلدە اداسىپ قاپ،
ءبىر پەندە جولاماسا قاسىڭا ءبىر.
اداسىپ الىس ەلدە كەتكەنىڭدە،
ايتارسىڭ بايقۇس بالا وكپە كىمگە؟
شىعىپ اپ جار باسىنا دالباسالاپ،
تۇرار ەڭ ايقاي سالىپ كوك تەڭىزگە.
ەلىڭدى، جۇرتىڭدى ىزدەپ تاۋ، تەڭىزدەن،
كوك داۋىل ۇرار ەدى جەلكەڭىزدەن.
كوسەمسىپ كوپ سويلەيسىڭ ەل مەن جۇرتىڭ،
كوپ سيپاپ قويعاننان سوڭ اۋكەڭىزدەن.
تىلگىلەپ تەكەمەتتى، سىرماقتى دا،
جامانداپ جالپاق ەلدى جىن قاقتى ما؟
ءىشى وتكەن بۇزاۋ قۇساپ كوپ ەمگەن سوڭ،
ءبىتتىڭ عوي ءوز قوراڭدى بىلعاپ مىنا.
سەكىلدى شايپاۋ قاتىن ءجۇرشى ۇرىنباي،
ءبارىبىر بولا المايسىڭ شىن ءسۇيىنباي.
بەتىمدى جىبەرسەڭ دە تىرناپ ءجۇدا،
باتىردىڭ باسىنداعى تىرتىعىنداي،
شىندىق تا جاراسادى-اۋ، شىن جاقسىعا.

جۇماحمەت جايلاۋبايدىڭ facebook پاراقشاسىنان

Abai.kz