رەسەيدىڭ بۇرىنعى پرەزيدەنتى بوريس ەلسيننىڭ كەڭەسشىسى بولعان سەرگەي كاراگانوۆتىڭ ءوز گازەتتەرىنە بەرگەن سۇحباتىنىڭ ىشىنەن قازاقتار تۋرالى ايتقان مىنانداي تاماشا ءسوزى بار ەكەن.تاقىرىپتىڭ ءوزى دە وردا مەن ۆيزانتيانىڭ موسكوۆيا مەملەكەتىنە تيگىزگەن وراسان ىقپالى مەن كوممۋنيستەردىڭ جاساعان ىلاڭىنا قاتىستى وربىگەن ەكەن.

اڭگىمەنىڭ اياعىنا قاراي الگى ساياساتكەر بىلاي دەپتى: «قازاقتاردى تاريحي جادىنان ايىرىپ، حالىقتى ءدۇبارالاۋ ساياساتى وتىز بەن قىرقىنشى جىلداردىڭ ورتاسىندا قاتتى ءجۇردى. ءسۇتتءىڭ بەتىندەگى قايماعى سياقتى بولعان بارلىق ينتەلليگەنتسياسى وسى جىلدارى تۇگەل وققا ۇشىپ، ۇلت بۇدان كەيىن ۇلكەن توبىرعا اينالىپ شىعا كەلدى.

جاڭاشا پايىمدايتىن، وزىق ويلى، اردا مىنەزدى ۇلتشىلداردىڭ ءبارىن قۇرتىپ، كوممۋنيستەر جاڭا بيلىكتىڭ ايتقانىن باس شۇلعىپ قانا قابىلدايتىندارىن قالدىردى. بىلاي قاراساڭ، ساۆەت وكىمەتى شىنىمەن دە قۇل-قۇتانداردىڭ بيلىگى بولاتىن. ەڭ قىزىعى، وسىنداي سۇمدىق گەنوتسيد بۇل حالىقتىڭ عاسىرلار بويعى بىزگە جاساعان ىقپالىن ءبارىبىر باسەڭدەتە المادى. سوعىس جىلدارى قازاقتار باياعى بابالارى سياقتى (كرەسشىلەرگە قارسى سوعىستا موسكوۆياعا كومەككە كەلگەن وردالىقتاردى مەڭزەپ وتىر) تاعى دا اتقا قونىپ، مايداننىڭ العى شەبىنەن كورىندى. ءاربىر ون وقتىڭ توعىزى دا قازاقستاندا جاسالعانىن قالاي جاسىرامىز؟

ماسكەۋدى قورعاعاندار، اتاقتى پارتيزاندار، ءتىپتى، ادامزات شەجىرەسىندەگى ەڭ الاپات ايقاستا اتى اڭىزعا اينالعان قىزداردىڭ دا كوبى وسىلاردىڭ اراسىنان شىعىپتى. گەن دەگەن ءوزى، قىزىق نارسە... حالىقتى قانشا قىرساڭ دا، ونى جوق قىلىپ جىبەرە المايسىڭ. ول ءتۇبى ءبىر جەردەن جارق ەتىپ شىعا كەلەدى...»