ۇلتتىق سانانى قالىپتاستىراتىن، تاربيەلەيتىن ءسوز عانا قادىرلى، قاسيەتتى بولماق. قازىرگى زاماندا قالعانىنىڭ ءبارى ءجاي ءسوز.

ءتىلىڭنىڭ قادىرلى بولۋى جەتىلگەن، ءبىلىمدى ۇلتتىق مەنتاليتەتتە تاربيەلەنگەن ساناعا بايلانىستى. قازىرگى كەزدە ۇلتتىق باعىتتاعى تاربيە بولماي، سانامىزدىڭ سانسىراپ، ءبىرازىمىزدىڭ باسقا ءدىن سەكتالارىنا كىرىپ كەتۋى، ورىس ءتىلدى جاستارىمىزدىڭ كوبىنىڭ ءورىستىلدى بولۋى قازاقتىڭ تۇتاستىعىن السىرەتتى. نامىستى، ارلى ازامات بولۋ وسى ۇلتتىق سانانىڭ تاربيەسىنە بايلانىستى. باياعى زاماندا ەرلەرىمىزدىڭ كوپ بولعانى، سول قازاقى سانامىزدىڭ كۇشتى بولعانىنان ەدى.

ۇلتتىق سانانى جوعارى دەڭگەيدە تاربيەلەۋ ءۇشىن، قالىپتاستىرۋ ءۇشىن قازاق ادەبيەتى مەن ونەرىن، ءبىر سوزبەن ايقتاندا مادەنيەتىن مەملەكەتتىك دەڭگەيدە قامقورلىققا الۋ قاجەت.

سونداي اق. گازەتتەر مەن تەلەارنالاردىڭ جوبالارى، حابارلارى ۇلتتىق پرينتسيپ پەن كوزقاراستى ۇستانۋى مىندەتتى.

قازىرگى باسپاسوزدەر مەن تەلەارنالاردىڭ ۇستانىمى باسقاشا، ياعني "تولەرانتتىق" دەگەن ۇستانىمدا. باياعى "قازاقستاندىق ۇلت بولايىق" دەگەنگە جاقىن. كەيبىر باسىلىمدار باياعى كەڭەس كەزىندەگىدەي "ينتەرناتسيوناليزم" يدەياسىن ناسيحاتتاۋعا بەيىم (ينتەرنەتتە باسقا ۇلت وكىلدەرىنە كۇيەۋگە شىققانداردى باسىم ناسيحاتتاۋ بايقالادى).

"ەل بولايىق" دەگەن مەملەكەتكە ۇلتتىق يدەولوگيانى قولدانىسقا ەنگىزۋ قازىرگى زاماندا وتە قاجەت ءىس.

جۇمات انەسۇلى، جۋرناليست جازۋشى

Abai.kz