بۇگىن  قر دەنساۋلىق ساقتاۋ مينيسترلىگى دەپۋتاتتارعا «قر كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىردى.

زاڭنىڭ جوباسىن تانىستىرا وتىرىپ، قر دەنساۋلىق ساقتاۋ ءمينيسترى ەلجان ءبىرتانوۆ مەملەكەت باسشىسى مەن ۇكىمەت قويعان باسىم مىندەتتەردى ورىنداۋ ماقساتىندا مينيسترلىكتىڭ «قر كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسىن ازىرلەگەنىن حابارلادى.

ءمينيستردىڭ ايتۋىنشا زاڭ جوباسىمەن 11 زاڭنامالىق اكتىگە، ونىڭ ىشىندە نەگىزگى: 1) تمككك مودەلى مەن ءمامس پاكەتىن ەنگىزۋ; 2) مەديتسينالىق ۇيىمدارداعى كورپوراتيۆتىك باسقارۋ جۇيەسىن جەتىلدىرۋ; 3) دەنساۋلىق ساقتاۋ ينفراقۇرىلىمىن دامىتۋدىڭ بىرىڭعاي پەرسپەكتيۆالىق جوسپارىن ەنگىزۋ; 4) قوعامدىق دەنساۋلىقتى ساقتاۋ ماسەلەلەرىن جەتىلدىرۋ; 5) مەديتسينالىق ءبىلىم مەن عىلىم جۇيەسىن جەتىلدىرۋ، مەديتسينالىق كادرلاردى دايارلاۋ ساپاسىن ارتتىرۋ جانە باسقا دا باعىتتاردى قامتيتىن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە، قىلمىستىق جانە قىلمىستىق-پروتسەستىك كودەكستەرگە جانە اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر ەنگىزىلەدى.

سونداي-اق ەلجان ءبىرتانوۆ تمككك مەن ءمامس جاڭا مودەلى ددۇ-نىڭ حالىقتى دەنساۋلىق ساقتاۋ قىزمەتتەرىمەن جاپپاي قامتۋ جونىندەگى پرينتسيپتەرىنە سايكەس كەلەتىنىن اتاپ ءوتتى. ماسەلەن، تمككك شەڭبەرىندە امبۋلاتوريالىق-ەمحانالىق قىزمەت كورسەتۋ مەن ستاتسيونارلىق كومەكتى قوسا العاندا، مەديتسينالىق كومەك بارلىق ازاماتتارعا، ورالماندارعا، قر-دا تۇراقتى تۇرىپ جاتقان شەتەلدىكتەر مەن ازاماتتىعى جوق ادامدارعا كورسەتىلەدى. ءمامس جۇيەسىندەگى مەديتسينالىق كومەك تمككك تىس مەديتسينالىق قىزمەتتەردى قامتيتىن بولادى. بۇل رەتتە، ءمامس پاكەتى تمككك پاكەتىمەن سالىستىرعاندا 42,4 مىڭ تەڭگەگە ارتىق بولادى، بۇل حالىقتىڭ ءمامس جۇيەسىنە قاتىسۋىن ايتارلىقتاي ىنتالاندىراتىن بولادى.

«دەنساۋلىق ساقتاۋ سالاسىنداعى ءتيىمدى باسقارۋ مەن باسەكەلەستىكتى دامىتۋدى قامتاماسىز ەتۋ ماقساتىندا زاڭ جوباسىندا: 1) شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى قاداعالاۋ كەڭەستەرىنىڭ وكىلەتتىگىن كەڭەيتۋ; 2) شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا القالىق اتقارۋشى ورگاندار ەنگىزۋ; 3) شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا ىشكى اۋديت قىزمەتىن ەنگىزۋ كوزدەلەدى»، – دەپ مالىمدەدى مينيستر.

ول «دەنساۋلىق» مەملەكەتتىك باعدارلاماسىنىڭ ەرەجەلەرىن ىسكە اسىرۋ ماقساتىندا زاڭ جوباسىندا: قر دسم-گە دەنساۋلىق ساقتاۋ ينفراقۇرىلىمىن دامىتۋدىڭ بىرىڭعاي پەسرپەكتيۆالىق جوسپارىن قالىپتاستىرۋ قاعيدالارىن ازىرلەۋ جانە بەكىتۋ بويىنشا جانە جاو-عا قر دسم-ءنىڭ كەلىسىمى بويىنشا دەنساۋلىق ساقتاۋ ينفراقۇرىلىمىن دامىتۋدىڭ پەرسپەكتيۆالىق جوسپارلارىن بەكىتۋ بويىنشا وكىلەتتىكتەر بەرۋدىڭ كوزدەلەتىنىن اتادى. وسى نورمالاردى ىسكە اسىرۋ ناتيجەسىندە 1) مەملەكەتتىك ينۆەستيتسيالاردى جوسپارلاۋدى وڭتايلاندىرۋ; 2) اۋرۋحانا ۇيىمدارىنىڭ شىعىندارىن وڭتايلاندىرۋ; 3) مەديتسينالىق كومەكتى ينتەگراتسيالاۋ; 3) جەكە بيزنەس ءۇشىن ينفراقۇرىلىمدى دامىتۋعا قاتىسۋدىڭ تارتىمدىلىعىن ارتتىرۋ كۇتىلەدى. وسىلايشا، ءمامس ەنگىزۋ جاعدايىندا مەديتسينالىق كومەك كورسەتۋ ساپاسى، دەنساۋلىق ساقتاۋ جۇيەسىنىڭ ەكونوميكالىق تيىمدىلىگى مەن باسەكەگە قابىلەتتىگى ارىتادى.

بۇدان باسقا، 2005 جىلعى مامىردا دۇنيەجۇزىلىك دەنساۋلىق ساقتاۋ اسسامبلەياسى حالىقارالىق مەديتسينالىق-سانيتاريالىق ەرەجەلەردى (حمسە) ىسكە اسىرۋ بويىنشا تۇزەتۋلەردى قابىلدادى. حمسە ۇلتتىق ءدالىزىنىڭ وكىلەتتىگى مەن مارتەبەسىن رەگلامەنتتەۋ ماقساتىندا زاڭ جوباسىندا قر دسم-ءدى حمسە ەرەجەلەرىن ىسكە اسىرۋ جونىندەگى ۋاكىلەتتى ورگان رەتىندە زاڭنامالىق بەلگىلەۋ, سونداي-اق قر دسم-گە حمسە ەنگىزۋ، ىسكە اسىرۋ جانە حمسە ۇلتتىق ءدالىزىنىڭ مارتەبەسى مەن قىزمەتى تۋرالى ەرەجەنى بەكىتۋ جونىندەگى قىزمەتتى سالاارالىق ۇيلەستىرۋ قۇزىرەتىن بەرۋ كوزدەلەدى. وسى تۇزەتۋلەر مىناداي كۇتىلەتىن ناتيجەلەرگە اكەپ سوعادى: 1) حالىقتىڭ دەنساۋلىعىنا تونگەن قاۋىپتەرگە جانە قوعامدىق دەنساۋلىق ساقتاۋ سالاسىنداعى تج تەز جانە ءتيىمدى دەن قويۋ; 2) دسم منە ددۇ قوعامدىق دەنساۋلىق ساقتاۋ سالاسىنداعى تج ماسەلەلەرى بويىنشا ءوزارا ءىس-قيمىلدىڭ جەدەلدىگى مەن ساپاسىن ارتتىرۋ»، – دەپ ءسوزىن جالعاستىردى ەلجان ءبىرتانوۆ.

«مەديتسينالىق ءبىلىم مەن عىلىم جۇيەسىن جەتىلدىرۋ ماقساتىندا، سونداي-اق «دەنساۋلىق» مەملەكەتتىك باعدارلاماسىندا كوزدەلگەن مىندەتتەردى شەشۋ ءۇشىن زاڭ جوباسىندا: مەديتسينالىق ءبىلىم مەن عىلىم سالاسىنداعى ستراتەگيالىق ارىپتەستىك ينستيتۋتى ەنگىزىلەدى; مەديتسيناداعى عىلىمي قىزمەت جەتىلدىرىلەدى; دەنساۋلىق ساقتاۋ سالاسىنداعى ءبىلىم مەن عىلىم ۇيىمدارىنىڭ عىلىمي-پەداگوگيكالىق كادرلارىنىڭ قۇزىرەتىن باعالاۋ جۇيەسى ەنگىزىلەدى، سونداي-اق Nazarbayev University ۇقساس ينتەگراتسيالاعان اكادەميالىق مەديتسينالىق ورتالىقتار مەن ۋنيۆەرسيتەتتىك كلينيكالار قۇرۋ مەحانيزمى ارقىلى عىلىم، پراكتيكا مەن ءبىلىمنىڭ ۇشتۇعىرلىعى ءۇشىن جاعداي جاساۋ كوزدەلەدى»، - دەپ باياندادى مينيستر.

ءوزىنىڭ ءسوزىن تۇيىندەي كەلە، ەلجان ءبىرتانوۆ وسى زاڭ جوباسىنىڭ دونور ينستيتۋتىن جانە تۋبەركۋلەزبەن اۋىراتىندارعا مەديتسينالىق كومەك كورسەتۋدى جەتىلدىرۋگە; ءمامس ودان ءارى جەتىلدىرۋگە; دەنساۋلىق ساقتاۋدىڭ ۇلتتىق شوتتارىن ەنگىزۋگە;كەيبىر اكىمشىلىك جانە قىلمىستىق قۇقىق بۇزۋشىلىق قۇرامىن قايتا قاراۋعا; قولدانىستاعى زاڭناماداعى دەنساۋلىق ساقتاۋ جۇيەسى ماسەلەلەرى بويىنشا ولقىلىقتاردى تۇزەتۋگە باعىتتالاتىنىن اتاپ ءوتتى.

Abai.kz