جيىندى اشقان گۇلشارا ابدىقالىقوۆا قازاقستان پرەزيدەنتى ن.ءا.نازارباەۆتىڭ «ءبىلىم بەرۋ تاجىريبەسىنەن كرەاتيۆتى ويلاۋ داعدىسىن قالىپتاستىرۋعا كوشۋ، قاجەتتى اقپاراتتى تابا ءبىلۋ، ونى ۇتىمدى پايدالانۋ عالامدىق دامۋدىڭ ماڭىزدى مەگاترەندى بولىپ سانالادى» دەگەن ءسوزىنىڭ مانىنە توقتالدى. قارقىندى  تەحنولوگيالىق دامۋ جاعدايىندا ماماندار ءوز كاسىبىن وزگەرتۋگە، سونداي-اق بىلىمدەرىن ءومىر بويى جاڭارتىپ وتىرۋعا دايىن بولۋى كەرەك.

– بۇگىندە «بولاشاق» ستيپەندياسى وسىنداي باسەكەگە قابىلەتتى مامانداردى دايارلاۋدىڭ تابىستى پلاتفورماسىنا اينالىپ وتىر، – دەدى مەملەكەتتىك حاتشى.

2018 جىلعا جالپى سانى 555 ستيپەنديا ءبولىندى.

كوميسسيا جۇمىسىنىڭ بارىسىندا «بولاشاق» ستيپەندياسى تاعايىندالاتىن ۇمىتكەرلەردىڭ ءتىزىمى، سونداي-اق باعدارلامانى ىسكە اسىرۋعا قاتىستى بىرقاتار ماسەلە قاراستىرىلدى.

كوميسسيا شەشىمىمەن 142 ۇمىتكەرگە ستيپەنديا تاعايىندالدى. ولار ماگيستراتۋرا جانە دوكتورانتۋرا باعدارلامالارى بويىنشا الەمدەگى جەتەكشى جوعارى وقۋ ورىندارىنا، عىلىمي جانە وندىرىستىك ورتالىقتارعا وقۋعا جىبەرىلەتىن بولادى.

باسقوسۋ قورىتىندىسى بويىنشا گ.ابدىقالىقوۆا «بولاشاق» حالىقارالىق ستيپەندياسىن ودان ءارى جۇزەگە اسىرۋ جونىندە بىرقاتار تاپسىرما بەردى.

Abai.kz