اعىمداعى جىلدىڭ 8 ايىندا سىبايلاس جەمقورلىققا قارسى كۇرەس بويىنشا ۇلتتىق بيۋرو 1393 جەمقورلىق قىلمىسىن تىركەدى.  بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنەن ءمالىم ەتتى، - دەپ جازادى اباي-اقپارات turkystan.kz-كە سىلتەمە جاساپ.

«اعىمداعى جىلدىڭ 8 ايىندا ۇلتتىق بيۋرو 1393 جەمقورلىق قىلمىستى تىركەدى. ونىڭ 761-ءى پاراقورلىق فاكتىسى بولدى. ال پارا الۋ فاكتىسى 555 رەت تىركەلدى. پارانى الۋشىمەن قاتار پارانى بەرگەن ادام دا قىلمىستىق جاۋاپكەرشىلىككە تارتىلاتىندىعىن ءتۇسىنۋ قاجەت.  ماسەلەن، پارا بەرۋدىڭ 157 فاكتىسى جانە پارا بەرۋگە دەلدالدىقپەن بايلانىستى 49 قىلمىس انىقتالدى»، - دەپ اتاپ وتەدى اگەنتتىكتەن.

ۆەدومستۆو مالىمەتىنشە، قىلمىستىق ءىس بويىنشا پارا كولەمى 5 مىڭنان باستالىپ 30 ملن تەڭگەدەن اسىپ جىعىلادى. ال ۇرلانعان قاراجات كولەمى 10 مىڭ تەڭگەدەن باستالىپ، 3 ملرد تەڭدەگەن استام سومانى قۇرايدى.

«سونىمەن قاتار سەنىپ تاپسىرىلعان وزگەنىڭ مۇلكىن يەمدەنۋ جانە تالان-تاراجعا سالۋ، الاياقتىق، قىلمىستىق جولمەن الىنعان اقشا جانە وزگە دە مۇلىكتەردى زاڭداستىرۋ، ەكونوميكالىق كونتراباندا، لاۋازىمدىق وكىلەتتىكتى اسىرا پايدالانۋ، كاسىپكەرلىك قىزمەتكە زاڭسىز ارالاسۋ، قىزمەتتىك الداۋ سىندى فاكتىلەردىڭ جولى كەسىلدى»، - دەپ اتاپ وتەدى اگەنتتىكتەن.

مۇنان بولەك، اعىمداعى جىلدىڭ 8 ايىندا قۇرىلىس سالاسىندا جەمقورلىقتىڭ كوپ ورىن الاتىندىعى انىقتالعان. بۇل سالادا 157 جەمقورلىق قۇقىقبۇزۋشىلىق، ءبىلىم سالاسىندا - 110, جەر قاتىناستارى سالاسىندا - 101, اۋىل شارۋاشىلىعىندا 95 قۇقىقبۇزۋشىلىق اشكەرە بولدى.

Abai.kz