ەۋرازيالىق ادەبي فورۋم. شەتەل قالامگەرلەرى استاناعا اعىلۋدا

بۇگىن استانادا "ادامزات. شەكسىزدىك. ماڭگىلىك" اتتى ەۋرازيالىق ادەبي فورۋمى ءوز جۇمىسىن باستادى. فورۋمدى قر مادەنيەت جانە سپورت ءمينيسترى ارىستانبەك مۇحامەديۇلى قۇتتىقتاۋ سوزىمەن اشتى.

ادەبي فورۋمعا ەۋرازيا قۇرلىعىنىڭ تۇكپىر-تۇكپىرىنەن شەتەل قالامگەرلەرى مەن قازاق ءسوز ونەرىنىڭ مايتالماندارى جينالۋدا.

"قازىرگى زامانعى ءسوز ەنەرگياسى" اتتى ەۋرازيالىق ادەبي فورۋم ەكى كۇنگە سوزىلادى.

20 قىركۇيەك كۇنى ساع.10.00 دە تاۋەلسىزدىك سارايىندا فورۋمنىڭ سالتاناتتى اشىلۋ ءراسىمى مەن "زاماناۋي ەۋرازيالىق ادەبيەت" كىتاپ كورمەسى جانە "ادەبيەت جانە جاھاندىق ماسەلەلەر" مەن "ايماقتىق ادەبيەتتەردىڭ دامۋى" اتتى ەكى بولىمنەن تۇراتىن پلەنارلىق وتىرىس بولادى.

21 قىركۇيەك كۇنى ساع.10.00 مەن 13.00 ارالىعىندا "Hilton Garden Inn Astana" قوناق ۇيىندە 4 سەكتسيا بويىنشا: "جاڭا زامان پوەزياسى: كوتەرەتىن نەگىزگى تاقىرىپتار مەن ماسەلەلەر", "جاڭا زامان پروزاسى: كوتەرەتىن نەگىزگى تاقىرىپتار مەن ماسەلەلەر", "دراماتۋرگيانىڭ وزەكتى ماسەلەلەرى", "قازىرگى زامانعى اۋدارما ءىسىنىڭ حال-احۋالى" تاقىرىپتارىندا باسقوسۋلار وتەدى.

ايتا كەتەيىك، ادەبي فورۋم قازاقستان جازۋشىلار وداعى باسقارماسىنىڭ باستاماسىمەن قر مادەنيەت جانە سپورت مينيسترلىگىنىڭ قولداۋىمەن ەلباسىمىزدىڭ "رۋحاني جاڭعىرۋ" باعدارلاماسى اياسىندا وتۋدە.

بۇگىن رەسمي اشىلعان فورۋم دەلەگاتتارى ءالى دە استاناعا اعىلۋدا.