ۇگىت-ناسيحات كەزىندە بابانوۆتىڭ وشتا «ءامىر-تەمىر» (ون-ادىر) شاعىن اۋدانىندا سويلەگەن سوزدەرى ۇلتارازدىقتى تۋدىرادى دەپ قىلمىستىق ءىس قوزعالعان. ۇقمك باسشىسى حالىقارالىق جانە جەرگىلىكتى ساراپشىلار بابانوۆتىڭ سويلەگەن سوزدەرىندە ۇلتارازدىقتى تۋعىزاتىن ارەكەتتەر جوق دەپ تانىدى دەيدى.

ىدىرىس كادىركۋلوۆ بارلىق ماتەريالداردىڭ تەرگەۋ ىسىنە بەرىلگەنىن ايتادى. «ولار مۇنى قىلمىستىق ءىس اياسىندا قارادى. ءىس توقتاتىلدى»، - دەدى ول.

بابانوۆقا قاتىستى بىلتىر 4 قاراشادا قىرعىزستان قىلمىستىق كودەكسىنىڭ 297-بابى، 1-تارماعى («كونستيتۋتسيالىق قۇرىلىمدى كۇشتەپ وزگەرتۋگە جاريا تۇردە شاقىرۋ») جانە 299- باپتىڭ 1-تارماعى («ۇلتتىق، ناسىلدىك جانە ءدىني ارازدىق تۋعىزۋ») بويىنشا ءىس قوزعالعان.

2017 جىلى پرەزيدەنت سايلاۋىنان كەيىن ومىربەك بابانوۆ قىرعىزستاننان كەتىپ، ساياسي مانسابىن اياقتايتىنىن مالىمدەگەن.

Abai.kz