الماتىدا تمد ەلدەرىنىڭ جاستار فورۋمى ءوتىپ جاتىر. فورۋم اياسىندا بەلسەندى جاستار ءبىر الاڭعا جينالىپ اۋقىمدى ءىس-شارالار ۇيىمداستىرۋدا. 12-14 قىركۇيەك ارالىعىندا جاس كوشباسشىلار ورتاق مادەنيەتارالىق ديالوگتى قالىپتاستىرىپ، ءوزارا قارىم-قاتىناستى كۇشەيتۋدى كوزدەيدى.

قر قوعامدىق دامۋ مينيسترلىگى، الماتى قالاسى اكىمدىگىنىڭ قولداۋىمەن ءوتىپ جاتقان فورۋم اياسىندا قازاقستان جاستارىنىڭ جانە رەسەي ىنتىماقتاستىعىنىڭ كۇنى وتەدى. ءىس شارا شەڭبەرىندە جاستار ۇيىمدارى اراسىندا مەموراندۋمدارعا قول قويىلادى. فورۋمعا كەلگەن ءازىربايجان، بەلارۋس، قىرعىزستان، قازاقستان، وزبەكستان جانە رەسەي فەدەراتسياسى قوعامدىق ۇيىمدارىنىڭ وكىلدەرى ءوزارا تاجىريبە الماسىپ، جاستاردىڭ پاتريوتتىق بەلسەندىلىگىن ارتتىرۋ جايىندا وي-پىكىرلەرىن ورتاعا سالادى.

القالى جيىنعا سونداي-اق كاسىپكەرلەر، ۆولونتەرلەر، مەملەكەتتىك ورگان مەن باق وكىلدەرى جانە شىعارماشىلىقپەن اينالىساتىن جاستار قاتىسادى. سونىمەن قاتار فورۋم باعدارلاماسىندا ينتەراكتيۆتى ترەنينگتەر، تانىمال تۇلعالارمەن كەزدەسۋ جانە قىزىقتى ەكسكۋرسيالار ۇيىمداستىرىلادى.

Abai.kz