سەنىمگە كىرىپ، سان سوقتىردى. ال اقتاۋلىق كەلىنشەكتەردىڭ ميلليونداعان تەڭگەسىن الىپ، قىرۋار قارىزعا باتىرعان ادامدار ءالى كۇنگە جازاعا تارتىلماي جاتىر. الدانعان ايەلدەر نارازىلىقتارىن ءبىلدىرىپ، پروكۋراتۋرا الدىنا جينالدى. بۇل تۋرالى "كتك" ارناسى حابارلادى. 

ءبىر عانا سانگۇل امانجولوۆا 35 ملن تەڭگەسىن جەر الىپ بەرەمىن دەگەندەرگە ۇستاتا سالعان. اعيا ءجۇسىپوۆا مەن پەريزات تاجيەۆا ەسىمدى كەلىنشەك بانكتەن 440 ملن تەڭگە نەسيەنى وڭاي شىعارىپ بەرەمىز دەپ سەنىمگە كىرىپتى. ءىستى تەزدەتۋ ءۇشىن الدىن الا سومانىڭ 10 پايىزىن تالاپ ەتكەن. ۇلكەن ءىسى ءۇشىن قاراجات قاتتى قاجەت بولعاندىقتان سانگۇل امانجولوۆا 35 ملن تەڭگەنى قارىزدانىپ-قاۋعالانىپ تاۋىپ بەرگەن.

الايدا، ارتىنشا ۋادە ەتكەن نەسيە تۇگىلى، ءوزىنىڭ بەرگەن اقشاسىن الا الماي قالدى. قولىندا ول ادامداردىڭ كىناسىن ايعاقتار ىسكە دايەك بولار دالەلدەرى بولعانمەن، ءبىر جىل بۇرىن قوزعالعان ءىس ءالى ورنىنان جىلجىماي تۇر. تىپتەن، كۇدىكتىلەر بولعانمەن، ءىستى جابامىز دەپ جاتقان كورىنەدى.

ال، بوستاندىقتا جۇرگەن ءجۇسىپوۆا مەن تاجيەۆانىڭ اتىنا وسى ۋاقىتقا دەيىن الدانعان تاعى بىرنەشە ادامنان ارىز تۇسكەن. ازىرگە پروكۋراتۋرا مەن پوليتسيا  بۇل جاعداي بويىنشا ءتىس جارماي تۇر.

سانگۇل امانجولوۆا، جابىرلەنۋشى:

-باس پروكۋراتۋرادان كومەك سۇرايمىن. ءىستىڭ اق پەن قاراسىن شەشىپ بەرسىن. تاجيەۆا پەريزاتقا قاتىستى تاعى بىرەۋ 7 ميلليون بەرگەن.  اكىمدىك ارقىلى جەر شىعارىپ بەرەمىز دەپ. تاعى بىرەۋدەن 12 ملن العان ءۇي الىپ بەرەمىز دەپ الداعان.  تورت ەپيزود جينالىپ تۇر. سونىڭ وزىندە مەنىڭ ءىسىمدى قىسقارتىپ جاتىر.

Abai.kz