جانار مامىروۆانىڭ ايتۋىنشا، جوعارعى جانە تومەنگى سىنىپتاردا وقيتىن 372 وقۋشى قىزدىڭ ەلۋگە جۋىعى حيدجابىن شەشپەي وتىر. 13 قىزدىڭ اتا-اناسىنا تۇركىستان وبلىستىق ءبىلىم سالاسىنداعى باقىلاۋ دەپارتامەنتى حاتتاما تولتىرىپ، 5 ايلىق ەسەپتىك كورسەتكىش كولەمىندە ايىپپۇل سالعان.
ديرەكتوردىڭ سوزىنشە، ەگەر اتا-انالار ايىپپۇلدى تولەمەسە، سوتقا تارتىلادى.
جانار مامىروۆا قالعان 26 وقۋشى قىزدىڭ اتا-اناسى قىزىنىڭ ورامالىن شەشىپ مەكتەپكە كەلۋىن قامتاماسىز ەتپەسە، ولارعا دا حاتتاما تولتىرىلاتىنىن ايتادى.
فەرداۋسيدەگى ورامال داۋى ءبىلىم جانە عىلىم مينيسترلىگىنىڭ 2016 جىلى قاڭتاردا شىعارعان بىرىڭعاي مەكتەپ فورماسى ەرەجەسى تۋرالى №26 بۇيرىعىنان كەيىن شىعا باستاعان. بيلىك بۇيرىقتىڭ ورىندالۋىن تالاپ ەتسە، اتا-انالار ءداستۇردى العا تارتىپ، قىزدارىنىڭ مەكتەپكە ورامالسىز بارۋىنا قارسى شىعادى.
مينيسترلىك بۇيرىعى بىلتىر كۇزدە اقتوبە، باتىس قازاقستان جانە ماڭعىستاۋ وبلىستارىندا دا كەيبىر مەكتەپ اكىمشىلىگى مەن اتا-انا اراسىنداعى "ورامال داۋىنا" سەبەپشى بولعان. اتالعان ايماقتاردا مەكتەپ اكىمشىلىگى ساباققا كىرگىزبەي قويعان ونداعان وقۋشىنىڭ اتا-اناسى سوتقا ارىز بەرگەن.
تۇرعىندار شاعىمىن قاراعان سوتتار ءبىلىم جانە عىلىم مينيسترلىگى مەن مەكتەپتىڭ ۇستانىمىن قولداعان.
Abai.kz
