ەۋروپادا بوي تاسالاپ جاتىپ الىپ، ەلدى الا تايداي دۇرلىكتىرۋدى ادەتكە اينالدىرعان راحات اليەۆ جۋىردا قازاقستاننىڭ قىتايعا 1 ميلليون گەكتار جەردى 99 جىلعا جالعا بەرگەلى جاتقانىن ايتىپ مالىمدەمە جاساعان-دى. كەشە ەلىمىزدىڭ سىرتقى ىستەر مينيسترلىگى اليەۆتىڭ ايتقاندارىن جوققا شىعاردى.

اتالمىش ۆەدومستوۆانىڭ رەسمي وكىلى اسقار ءابدىراحمانوۆ جۋرناليستەرمەن ارنايى وتكىزىلگەن بريفينگ بارىسىندا:

- بىرقاتار بۇقارالىق اقپارات قۇرالدارىندا جانە ينتەرنەت جەلىسىندە قازاقستان قىتاي تاراپىمەن اسكەر ەنگىزۋ نەمەسە جەردى جالعا بەرۋ جونىندە جاسىرىن كەلىسسوزدەر جاساپتى دەگەن اقپاراتتارعا بايلانىستى قر سىرتقى ىستەر مينيسترلىگى اتالعان اقپاراتتار شىندىققا مۇلدەم جاناسپايتىندىعىن رەسمي تۇردە مالىمدەيدى، - دەدى.

ونىڭ ايتۋىنشا، وسى تەكتەس اقپاراتتىڭ تاراتىلۋى قوعامدىق پىكىرگە تەرىس ىقپال ەتۋدى جانە ارانداتۋشىلىق ماقساتتاردى كوزدەيدى.

- وسى ورايدا باق وكىلدەرىن مۇنداي اقپارات كوزدەرىنە سىني كوزقاراسپەن قاراۋ جانە وسىنداي مالىمەتتەردى جاريالاۋدا اسا جاۋاپكەرشىلىك پەن ۇستامدىلىق تانىتۋ ءجون دەپ سانايمىز، - دەيدى اسقار ءابدىراحمانوۆ.

ەۋروپادا بوي تاسالاپ جاتىپ الىپ، ەلدى الا تايداي دۇرلىكتىرۋدى ادەتكە اينالدىرعان راحات اليەۆ جۋىردا قازاقستاننىڭ قىتايعا 1 ميلليون گەكتار جەردى 99 جىلعا جالعا بەرگەلى جاتقانىن ايتىپ مالىمدەمە جاساعان-دى. كەشە ەلىمىزدىڭ سىرتقى ىستەر مينيسترلىگى اليەۆتىڭ ايتقاندارىن جوققا شىعاردى.

اتالمىش ۆەدومستوۆانىڭ رەسمي وكىلى اسقار ءابدىراحمانوۆ جۋرناليستەرمەن ارنايى وتكىزىلگەن بريفينگ بارىسىندا:

- بىرقاتار بۇقارالىق اقپارات قۇرالدارىندا جانە ينتەرنەت جەلىسىندە قازاقستان قىتاي تاراپىمەن اسكەر ەنگىزۋ نەمەسە جەردى جالعا بەرۋ جونىندە جاسىرىن كەلىسسوزدەر جاساپتى دەگەن اقپاراتتارعا بايلانىستى قر سىرتقى ىستەر مينيسترلىگى اتالعان اقپاراتتار شىندىققا مۇلدەم جاناسپايتىندىعىن رەسمي تۇردە مالىمدەيدى، - دەدى.

ونىڭ ايتۋىنشا، وسى تەكتەس اقپاراتتىڭ تاراتىلۋى قوعامدىق پىكىرگە تەرىس ىقپال ەتۋدى جانە ارانداتۋشىلىق ماقساتتاردى كوزدەيدى.

- وسى ورايدا باق وكىلدەرىن مۇنداي اقپارات كوزدەرىنە سىني كوزقاراسپەن قاراۋ جانە وسىنداي مالىمەتتەردى جاريالاۋدا اسا جاۋاپكەرشىلىك پەن ۇستامدىلىق تانىتۋ ءجون دەپ سانايمىز، - دەيدى اسقار ءابدىراحمانوۆ.

قازاق جەرىنىڭ ءبىر پۇشپاعى حانزۋلارعا بەرىلگەلى جاتىر دەگەن اڭگىمەنىڭ جەلدەي ەسكەنى ءبىرىنشى رەت ەمەس. 2009 جىلدىڭ سوڭىندا ەلباسى نۇرسۇلتان نازارباەۆ شەتەلدىك ينۆەستورلار كەڭەسىنىڭ وتىرىسىندا اسپاناستى ەلى قازاقستاننان سويا مەن راپس ءوسىرۋ ءۇشىن 1 ملن. گەكتار جەر سۇراعانىن ايتقان بولاتىن. سىنىقتان سىلتاۋ ىزدەگەندەردىڭ ارقاسىندا بۇل ماسەلە ءبىراز داۋعا تۇزدىق بولعان-دى. ءتىپتى، الماتىداعى قىتاي كونسۋلدىعىنىڭ الدىندا نارازىلىق اكتسياسىنا شىعۋشىلار دا تابىلعان. الايدا، ارادا كوپ ۋاقىت وتپەي جاتىپ مەملەكەت باسشىسى:

- جەر كودەكسىنىڭ 23-بابىندا قارا سيامەن اق قاعازعا شەتەلدىكتەرگە، قازاقستان ازاماتى ەمەس ادامدارعا جەر ساتىلمايدى دەپ جازىلعان. ەندى ودان ارتىق نە ايتۋعا بولادى؟! - دەپ، باس پروكۋراتۋراعا شەتەلدىكتەرگە جەر ساتىلادى دەگەن جالعان اقپارات تاراتىپ جۇرگەندەردىڭ ءبارىن جازالاۋعا تاپسىرما بەردى.

شىندىعىندا، قازاقستاندا جەر قازاقستاندىقتارعا عانا ساتىلاتىندىعى تۋرالى جەر كودەكسىندە تاڭعا تاڭبا باسقانداي كورسەتىلگەن. رەسمي دەرەكتەرگە جۇگىنسەك، قازىرگى تاڭدا ۇلان-عايىر دالانىڭ 0,5 پايىزى عانا جەكە مەنشىكتىڭ قولىندا كورىنەدى. قالعانى - مەملەكەتتىڭ يەلىگىندە. ولاي بولسا، حانزۋلاردىڭ جەرىمىزدى جالماعالى جاتقانى تۋرالى اقپاراتتىڭ اينالىپ سوعا بەرەتىنى قالاي؟ الدە، «قورىققانعا قوس كورىنەدىنىڭ» كەبى مە؟ ونىڭ ۇستىنە، اسپاناستى ەلى قازاقستانعا ميللياردتاعان دوللار نەسيە بەرىپ جاتقانى تاعى بار. بۇل «باتپان قۇيرىقتىڭ» قايتارىمى نە بولماق؟ قالاي بولعاندا دا، قارعا ادىم جەر ءۇشىن جانىن سالاتىن جۋنگولار (ناعىز قىتاي) قاپىمىزدى كۇتىپ جاتقاندا، قامسىز بولۋعا حاقىمىز جوق.

«نۇر استانا» گازەتى