قالانىڭ تاريحي ورتالىعىن شاعىن جانە ورتا بيزنەس ءۇشىن قايتا قۇرۋ قالاي ىقپال ەتكەنىن الماتىلىق كاسىپكەرلەر ايتىپ بەردى. الماتىدا جەتى ايدىڭ قورتىندىسى بويىنشا كىشى جانە ورتا بيزنەس سۋبەكتىلەرىنەن بيۋدجەتكە تۇسكەن سالىق ءتۇسىمىنىڭ ءوسۋى 37 ملرد. تەڭگەگە بەلگىلەندى. سونىمەن بىرگە، جالپى كولەمنىڭ ۇلەسى 661,2 ملرد. تەڭگەنى قۇراي وتىرىپ، قازىردىڭ وزىندە 60% اسىپ ءتۇستى.

الەمدىك تاجىريبە كورسەتكەندەي، جاياۋ جۇرگىنشىلەر ايماعىنىڭ ترانسفورماتسياسى ترافيكتىڭ ورتا ەسەپپەن 30%-عا ۇلعايۋىنا، ال دۇكەندەردىڭ اينالىمى 17%-عا ارتۋىنا الىپ كەلەدى. ەگەر پانفيلوۆ جانە جىبەك جولى كوشەلەرىنىڭ قايتا جوندەۋگە دەيىنگى ورتاشا اي سايىنعى اينالىمى مۇندا 25 ملن. تەڭگەنى قۇراسا، جوندەۋدەن وتكەننەن كەيىن كوشەلەر 37 ملن. تەڭگەگە دەيىن ءوستى. ءوز كەزەگىندە كاسىپورىندارعا كەلۋ 40%-عا ءوستى.

مىسالعا، ەگەر وتكەن جىلى اۆتوكولىكتى پانفيلوۆ كوشەسىندە 18 بيزنەس نىسانى جۇمىس ىستەسە، بۇگىندە جۇرگىنشىلەر كوشەسىندە بۇل سان 30-عا دەيىن ءوستى. ءوز كەزەگىندە ارباتتا بۇل كورسەتكىش ەكى ەسە ۇلعايدى. ياعني، ءبىر جىل ىشىندە تەك ەكى كوشەدەگى ساۋدا مەن قوعامدىق تاماقتانۋدىڭ نىساندار سانى 26-دان 43-كە دەيىن ءوسىپ وتىر.

پانفيلوۆ كوشەسىنىڭ قايتا قۇرىلۋى بيزنەستىڭ ساپاسىنا قالاي اسەر ەتكەنى جونىندە «مەلومان» كومپانياسىنىڭ باس ديرەكتورى ۆاديم گولەنكو ايتىپ بەردى.

«ءبىزدىڭ دۇكەن گوگول-پانفيلوۆ كوشەلەرىنىڭ قيىلىسىندا 2001 جىلدان باستاپ جۇمىس ىستەيدى. بۇل جىلدارى ادامدار ستريت-ريتەيلدەرگە، سودان سوڭ ساۋدا ورتالىقتارىنا كەتسە، قازىر جاقسى ءسان ورىندارىنا بارادى. بىزدە مىناداي ستاتيستيكاعا قارسى شىققان وقيعا بولعان. قايتا جوندەۋدەن سوڭ بۇرىن بولماعان كىتاپتاردىڭ ساتىلۋ ءوسىمى باستالدى. ءبىزدىڭ ەلىمىز بويىنشا دۇكەندەرىمىز كوپ. قازىر پانفيلوۆ كوشەسىن قازاقستاننىڭ باسقا قالالارىمەن سالىستىرۋعا كەلمەيتىندەي ەتىپ جاسادى»، - دەپ كورسەتتى ۆاديم گولەنكو.

ونىڭ سوزىنشە، قايتا جاڭارتىلعان پانفيلوۆ كوشەسىندە ورىندىقتا كىتاپ وقۋ ادامدار شەتەلدەن كورىپ جۇرگەنمەن سايكەس كەلەدى.

«بۇگىندە پانفيلوۆ بويىمەن قىدىرۋ – بۇل مادەني-ەستەتيكالىق وقيعا جانە كىتاپتاردىڭ فورماتى وسى سۋرەتكە تولىق سايكەس كەلەدى. سونداي-اق، پانفيلوۆ كوشەسىن تۋريستىك تارتىمدىلىققا اينالدى دەپ ايتۋعا بولادى. بىزدە اعىلشىن تىلىندەگى ادەبيەتتەردىڭ ساتىلىمى ۇلعايۋدا. بۇل شەتەلدىك قوناقتاردىڭ پايدا بولعانىن كورسەتەدى. وزىمنەن بىلەمىن، پانفيلوۆ كوشەسىن جوندەۋ كەزىندە ءبىزدىڭ دۇكەندە ساۋدا تومەندەپ كەتكەن بولاتىن، بىراق ءبىز بۇل جاعدايدىڭ ۋاقىتشا ەكەنىن تۇسىندىك. قالالىق بيلىكتىڭ تاڭداعان باعىتى ناقتى ناتيجەلەرگە اكەلەدى. جانە مۇنداي جاعدايدا - بۇل ءبىزدىڭ دۇكەننىڭ ساتىپ الۋشىلارىنىڭ ريزاشىلىقتارى»، - دەپ قوستى ول.

ەسكە تۇسىرەمىز، بيىلعى جىلى الماتىدا قالانىڭ تاريحي ورتالىعىن قايتا جوندەۋ جالعاسۋدا.

ەگەر وتكەن جىلى پانفيلوۆ، جىبەك جولى، گوگول، قابانباي باتىر، تولەباەۆ، بايسەيتوۆا جانە «استانا» الاڭى جوندەۋدەن وتسە، بيىلعى جىلى اباي، ابىلاي حان، دوستىق، نازارباەۆ، جەلتوقسان داڭعىلدارى، «الماتى-2» ۆوكزالى اۋماعى جانە رەسپۋبليكا سارايى الدىنداعى الاڭ جوندەۋدەن وتەتىن بولادى.

سوڭعى ءۇش جىلدا 524 كوشە مەن 800 كم اسا ينجەرنەرلىك جۇيەلەر سالىنىپ، جوندەۋدەن ءوتتى. 3787 اۋلانىڭ 1400-ءى قامتىلىپ، كۇردەلى جوندەۋدەن ءوتتى.

Abai.kz