قازاقپارات /گۇلميرا الياكپاروۆا/ - جاڭا ەرەجەلەرگە سايكەس، مەردىگەرلەر استانا قالاسىنىڭ اۋماعىندا قازۋ، جول توسەمدەرىن بۇزۋ جۇمىستارىن جۇرگىزۋگە رۇقساتتى مەملەكەتتىك ساۋلەت-قۇرىلىس باقىلاۋ (مسقب) باسقارماسىنان الاتىن بولادى.

بۇل تۋرالى بۇگىن قالا اكىمدىگىنەن حابارلادى.

«استانا قالاسى ءماسليحاتىنىڭ 2004 جىلعى 30 ناۋرىزداعى شەشىمىمەن بەكىتىلگەن اباتتاندىرۋ، سانيتارلىق جابدىقتاۋ، جيناۋ جۇمىستارىن ۇيىمداستىرۋ جانە استانا قالاسىنىڭ اۋماعىندا تازالىقتى قامتاماسىز ەتۋ قاعيدالارىنا وزگەرتۋلەر ەنگىزىلدى. وزگەرتۋلەرگە سايكەس، بۇدان بىلاي بارلىق زاڭدى جانە جەكە تۇلعالار جول توسەمدەرىنىڭ، جاياۋ جولداردىڭ، گۇلزارلاردىڭ جانە قالا اۋماعىنداعى باسقا دا شارۋاشىلىق نىسانداردىڭ بۇزىلۋىنا اكەپ سوعاتىن جانە قالا اۋماعىن قازۋعا بايلانىستى جۇمىستاردى جۇرگىزۋگە رۇقساتتى مەملەكەتتىك ساۋلەت-قۇرىلىس باقىلاۋ ورگانىنان الاتىن بولادى»، - اتاپ ءوتتى اكىمدىكتەن.

مسقب قالا اۋماعىن قازۋعا قۇجاتتاردى قابىلدانعاننان كەيىن، ءۇش كۇننىڭ ىشىندە وڭ نە تەرىس شەشىمىن بەرەدى.

قازاقپارات /گۇلميرا الياكپاروۆا/ - جاڭا ەرەجەلەرگە سايكەس، مەردىگەرلەر استانا قالاسىنىڭ اۋماعىندا قازۋ، جول توسەمدەرىن بۇزۋ جۇمىستارىن جۇرگىزۋگە رۇقساتتى مەملەكەتتىك ساۋلەت-قۇرىلىس باقىلاۋ (مسقب) باسقارماسىنان الاتىن بولادى.

بۇل تۋرالى بۇگىن قالا اكىمدىگىنەن حابارلادى.

«استانا قالاسى ءماسليحاتىنىڭ 2004 جىلعى 30 ناۋرىزداعى شەشىمىمەن بەكىتىلگەن اباتتاندىرۋ، سانيتارلىق جابدىقتاۋ، جيناۋ جۇمىستارىن ۇيىمداستىرۋ جانە استانا قالاسىنىڭ اۋماعىندا تازالىقتى قامتاماسىز ەتۋ قاعيدالارىنا وزگەرتۋلەر ەنگىزىلدى. وزگەرتۋلەرگە سايكەس، بۇدان بىلاي بارلىق زاڭدى جانە جەكە تۇلعالار جول توسەمدەرىنىڭ، جاياۋ جولداردىڭ، گۇلزارلاردىڭ جانە قالا اۋماعىنداعى باسقا دا شارۋاشىلىق نىسانداردىڭ بۇزىلۋىنا اكەپ سوعاتىن جانە قالا اۋماعىن قازۋعا بايلانىستى جۇمىستاردى جۇرگىزۋگە رۇقساتتى مەملەكەتتىك ساۋلەت-قۇرىلىس باقىلاۋ ورگانىنان الاتىن بولادى»، - اتاپ ءوتتى اكىمدىكتەن.

مسقب قالا اۋماعىن قازۋعا قۇجاتتاردى قابىلدانعاننان كەيىن، ءۇش كۇننىڭ ىشىندە وڭ نە تەرىس شەشىمىن بەرەدى.

ونىمەن بىرگە، مەردىگەر جۇمىستار باستالعانعا دەيىن ءۇش كۇن بۇرىن، جۇمىس اۋماعىنا ينجەنەرلىك كوممۋنيكاتسيالاردى ىسكە قوساتىن مەكەمەلەردى شاقىرۋى ءتيىس. ولار ءوز كەزەگىندە توسەلگەن جۇيەلەر مەن قۇرىلىمداردىڭ ورنالاسقان جەرلەرىن انىقتاپ، ولاردىڭ اپاتتىق جاعدايىن بولدىرماۋ مۇمكىندىكتەرىن قاراستىرادى. سونداي-اق بەرىلگەن رۇقسات قاعازىندا جۇمىستاردىڭ اياقتالۋ مەرزىمى كورسەتىلەتىن بولادى. ال مەرزىمدى ۇزارتۋ وبەكتيۆتى سەبەپتەر ۇسىنىلعاننان كەيىن عانا مۇمكىن بولادى.

وسىلايشا، قالا اكىمدىگى تۇرعىندارعا جايسىزدىق تۋدىراتىن كوممۋنالدىق جەلىلەردەگى اپاتتاردىڭ الدىن الۋدى،  مەردىگەرلەردى تارتىپكە شاقىرىپ، قالانى اباتتاندىرۋ ماسەلەلەرىنە قوسىمشا باقىلاۋ جۇرگىزۋدى كوزدەپ وتىر.