الماتىدا وتەتىن ءىىى حالىقارالىق "Mural Fest" فەستيۆالىنە وڭتۇستىك شىعىس ازيانىڭ اتاقتى سۋرەتشىسى Kenji Chai كەلەدى. Kenji Chai - مالايزيا ەلىنىڭ ۇلتتىق رەكورد يەگەرى. سۋرەتشى اۋەزوۆ اۋدانى، مامىر -3 شاعىن اۋدانىندا ورنالاسقان 9 قاباتتى ۇيگە ۇيگە سۋرەت سالىپ ءوز قولتانباسىن قالدىرماقشى.

"بۇل وتە قىزىقتى فەستيۆال جانە مەن ءوز مۇمكىندىكتەرىمدى وسى فەستيۆالدە بارىنشا كورسەتكىم كەلەدى. الماتى وتە ادەمى مەگاپوليس، مەن ءوزىمنىڭ سۋرەتتەرىم ارقىلى المالى شاhارعا جان بىتىرگىم كەلەدى"-دەيدى ءوز سوزىندە Kenji Chai.

III حالىقارالىق "Mural Fest" فەستيۆالى قالا كۇنى اياسىندا ءوز باستاۋىن الدى. وسى فەستيۆالگە قاتىسۋ ءۇشىن الەمنىڭ ونداعان مەملەكەتىنەن اتاقتى سۋرەتشىلەر كەلەدى.

ەڭ العاش بوستاندىق اۋدانىن تيميريازەۆ جاروكوۆ كوشەلەرىنىڭ قيىلىسىندا ۋكراينا ەلىنىڭ سۋرەتشىسى اندرەي كراۆچەنكو عيماراتتىڭ قاسبەتتەرىن سۋرەتتەرمەن بەزەندىردى. ارى قاراي فەستيۆالدى رەسەي مەملەكەتىنەن كەلگەن ZunClub كومانداسى جالعاستىرادى.

سونىمەن قاتار، قالا كوشەلەرىندە قوعام قايراتكەرى، لينگۆيست، ادەبيەتتانۋشى، تۇركولوگ، اۋدارماشى ا.بايتۇرسىنوۆتىڭ، قازاقتىڭ ۇلى اقىنى، قازاق جازبا ادەبيەتىنىڭ نەگىزىن قالاۋشى اباي قۇنانباەۆتىڭ پورترەتىن كورۋگە بولادى.

قالا تۇرعىندارى مەن قوناقتارى قالا كۇنىنە وراي ۇيىمداستىرىلعان 100-گە تارتا مادەني ءىس-شاراعا قاتىسا الادى.

Abai.kz