الماتى قالاسىنىڭ كۇنىنە وراي، 8 قىركۇيەك كۇنى قبتۋ عيماراتىنىڭ الدىنداعى الاڭدا «كيتاپ فەست» كىتاپ فەستيۆالى وتەدى. ۇيىمداستىرۋشىلار قالا قوناقتارى مەن قالا تۇرعىندارى ءۇشىن كىتاپ كوركەمدەلگەن كورمەنى ۇسىنىپ، قازاق جازۋشىلارىنىڭ كەڭ اۋقىمدى كىتاپتارىن ۇسىنادى.

«وسى فەستيۆالدىڭ ارقاسىندا ءبىز الماتىلىقتار مەن فەستيۆال قوناقتارىنا ءداستۇرلى جانە ەلەكتروندى تاسىعىشتاردا وتاندىق ادەبيەتتىڭ ۇزدىك ۇلگىلەرىن ۇسىنامىز. سونىمەن قاتار ءبىز بالالار مەن جاستار اراسىندا كىتاپتاردى وقۋدى كەڭىنەن تاراتۋدى قالايمىز. الماتى ارقاشان قازاقستاننىڭ مادەني استاناسى بولعان جانە ءبىز بۇل مارتەبەنى قولدايمىز»، - دەدى فەستيۆال ۇيىمداستىرۋشىلارى.

ءىس-شارا بارىسىندا قازاقستاندىق جازۋشىلارمەن كەزدەسۋلەر مەن ماستەر-كلاسستار، پوەزيا وقۋلارى، قازاقستاندا ەڭ ءىرى باسپالار مەن كىتاپ دۇكەندەرىنىڭ جارمەڭكەسى، شىعارماشىلىق شەبەرحانالار، live-كونتسەرتتەر، كونكۋرستار، سونداي-اق ەڭ ۇلكەن كىتاپ الماسۋ وتەدى.

«كىتاپ الماسۋعا قاتىسۋشىلار كىتاپتاردى الىپ كەلىپ، ولاردى تاعاندارعا تاپسىرادى. ستيكەردە وقىرمانعا قىزىعۋشىلىق تانىتاتىن جانە تاڭداۋدى شەشۋگە كومەكتەسەتىن كىتاپ تۋرالى قىسقاشا اقپارات جازىلادى. قاتىسۋشى وزىمەن الىپ كەلگەن كىتاپتاردىڭ سانى جازىلعان ءنومىردى الادى، سودان كەيىن نومىردە كورسەتىلگەن سانى بويىنشا جاڭا كىتاپتار تاڭداي الادى»، - دەپ اتاپ ءوتتى ۇيىمداستىرۋشىلار.

فەستيۆالدىڭ ەڭ كىشكەنتاي قوناقتارى ويىن الاڭدارىندا كوڭىل كوتەرىپ، ولارعا انيماتورلار سۋدا سۋرەت سالۋدى، اكۆاگريمگە جانە ءوز قولىمەن كىتاپتار جاساۋدى ۇيرەتەدى.

الماتىداعى كىتاپ فەستيۆالى 2014 جىلدان باستاپ جىل سايىن وتۋدە. بيىلعى جىلى شاراعا 3000-نان استام ادام قاتىسادى دەپ كۇتىلىپ وتىر.

ەستەرىڭىزگە سالا كەتەيىك، الماتى كۇنىن مەرەكەلەۋ اياسىندا مەگاپوليستە 100-دەن استام ءىس-شارا جوسپارلانعان، وندا ءتۇرلى ەلدەردىڭ ارتىستەرى قاتىسادى. باعدارلامادا «كوك-توبە وپەرا-2018» كلاسسيكالىق مۋزىكا فەستيۆالى، حالىقارالىق «ARTBAT fest» زاماناۋي ونەر فەستيۆالى، اشىق اسپان استىنداعى «وركەسترلەر فەستيۆالى» اتتى وركەسترلىك مۋزىكا فەستيۆالى، «KITAP FEST» كىتاپتار فەستيۆالى، «Family Festival» اتتى وتباسى كۇنى، حالىقارالىق «Almaty garden show» باقشالار فەستيۆالى، قازاقستاندىق «GAKKU داۋىسى» مۋزىكالىق فەستيۆالى، قالالىق ءداستۇرلى «ALMA Fest» الما فەستيۆالى، Muzzone Dance Party, حالىقارالىق «Mural» مونۋمەنتالدى جانە ساندىك ونەر فەستيۆالى، موتو فريستايل «Red bull FMX JAMS»، «Almaty Film Festival»، «Junior Eurovision» جوباسى، الاتاۋ اۋدانىنىڭ 10 جىلدىق مەرەيتويىن اتاپ ءوتۋ، «Almaty Fest Big City Picnic»، كىلەم بۇيىمدارىنىڭ كورمە-جارمەڭكەسى، «قازاقستان كامەراتا» مەملەكەتتىك وركەسترىنىڭ ونەر كورسەتۋى جانە ت.ب.

Abai.kz