تولەگەن ايبەرگەنوۆ. و، ادامدار، بىرگەمىن مەن سەندەرمەن
8-ءنشى ناۋرىز اقىن تولەگەن ايبەرگەنوۆتىڭ جارىق دۇنيەگە كەلگەن كۇنى.
وتىزىندا جالعاننان جالت بەرىپ، باقيعا وزعان ايبەرگەنوۆتىڭ ساعىنىش تۇنعان جىرلارى جۇرەكتەرمەن سىرلاسىپ، جاساپ كەلە جاتىر. جاساي دا بەرمەك. ادام مەن ءومىردى ايبەرگەنوۆشە ءسۇيۋ، جىرلاۋ، كوز الدىڭدا جايناعان دۇنيەنى ايبەرگەنوۆتەي ساعىنۋ - بارشا ادامزاتقا بۇيىرسا، وندا جەر بەتى الدەقاشان جۇماق بولار ەدى.
«ادامزاتتىڭ ءبارىن ءسۇي باۋىرىم دەپ»، اباي سۇرلەۋىن سالىپ، الاشتىڭ بولمىسىن ادام بالاسىنا پاش ەتكەن قازاقتىڭ ءتۇپسىز تۇڭعيىق جەر استى سۋىنداي تۇنىق تا، ءمولدىر پوەزياسىنىڭ ساف تازا ساعىنىش پەن ماحابباتقا تولى مەكەنى - ايبەرگەنوۆ الەمى.
ايبەرگەنوۆتىڭ اي ساۋلەلى جىرلارى جانىمىزدى ىزگىلىك پەن مەيىرىمگە بولەپ، ومىرگە سۇيۋگە ۇندەپ تۇر.
«اباي-اقپارات»
ادامدار
و، ادامدار، بىرگەمىن مەن سەندەرمەن،
ىقىلاسىڭا ەش نارسەنى تەڭگەرمەن.
سەندەر مەنىڭ باقىتىمنىڭ بۇلاعى،
سەندەر مەنىڭ دارىنىما جەل بەرگەن.
وزدەرىڭمەن ءومىر شىڭىن بىرگە استىم،
جارتى قۇرتتى ءبولىپ جەدىم، سىرلاستىم.
دۇنيەگە كەلگەنىم جوق شەت ءجۇرىپ،
راقاتىن ويلاۋ ءۇشىن ءبىر باستىڭ.
گۇلستانعا اينالدىرعان تاقىردى،
بولات قولدار، العىر ميلار اقىلدى،
سۇيەمىن مەن، سۇيەمىن مەن سەندەردى
الار دەمىم قالعانىنشا اقىرعى.
مەنىڭ ءۇشىن بىردەي ءتىلىڭ، جىنىسىڭ،
8-ءنشى ناۋرىز اقىن تولەگەن ايبەرگەنوۆتىڭ جارىق دۇنيەگە كەلگەن كۇنى.
وتىزىندا جالعاننان جالت بەرىپ، باقيعا وزعان ايبەرگەنوۆتىڭ ساعىنىش تۇنعان جىرلارى جۇرەكتەرمەن سىرلاسىپ، جاساپ كەلە جاتىر. جاساي دا بەرمەك. ادام مەن ءومىردى ايبەرگەنوۆشە ءسۇيۋ، جىرلاۋ، كوز الدىڭدا جايناعان دۇنيەنى ايبەرگەنوۆتەي ساعىنۋ - بارشا ادامزاتقا بۇيىرسا، وندا جەر بەتى الدەقاشان جۇماق بولار ەدى.
«ادامزاتتىڭ ءبارىن ءسۇي باۋىرىم دەپ»، اباي سۇرلەۋىن سالىپ، الاشتىڭ بولمىسىن ادام بالاسىنا پاش ەتكەن قازاقتىڭ ءتۇپسىز تۇڭعيىق جەر استى سۋىنداي تۇنىق تا، ءمولدىر پوەزياسىنىڭ ساف تازا ساعىنىش پەن ماحابباتقا تولى مەكەنى - ايبەرگەنوۆ الەمى.
ايبەرگەنوۆتىڭ اي ساۋلەلى جىرلارى جانىمىزدى ىزگىلىك پەن مەيىرىمگە بولەپ، ومىرگە سۇيۋگە ۇندەپ تۇر.
«اباي-اقپارات»
ادامدار
و، ادامدار، بىرگەمىن مەن سەندەرمەن،
ىقىلاسىڭا ەش نارسەنى تەڭگەرمەن.
سەندەر مەنىڭ باقىتىمنىڭ بۇلاعى،
سەندەر مەنىڭ دارىنىما جەل بەرگەن.
وزدەرىڭمەن ءومىر شىڭىن بىرگە استىم،
جارتى قۇرتتى ءبولىپ جەدىم، سىرلاستىم.
دۇنيەگە كەلگەنىم جوق شەت ءجۇرىپ،
راقاتىن ويلاۋ ءۇشىن ءبىر باستىڭ.
گۇلستانعا اينالدىرعان تاقىردى،
بولات قولدار، العىر ميلار اقىلدى،
سۇيەمىن مەن، سۇيەمىن مەن سەندەردى
الار دەمىم قالعانىنشا اقىرعى.
مەنىڭ ءۇشىن بىردەي ءتىلىڭ، جىنىسىڭ،
كوبىڭ انا، كوبىڭ اعا-ءىنىسىڭ.
دوستىق وسكەن، ەرلىك وسكەن ورتاڭا
ەنگەن سايىن كەڭي تۇسەر تىنىسىم.
نە كەزدەسسە وزدەرىڭمەن كورمەكپىن
قاراپايىم ادامدارى ەڭبەكتىڭ!
بارلىعىن دا باعىشتار ەم سەندەرگە
ماحابباتىن ماعان بەرسە جەر-كوكتىڭ.
قولىڭنان قالا تۇرسا تاس قالانىپ،
قۇدىرەتىڭە تابىنسا اسپان الىپ.
سەن جاساعان باقىتتى كورىپ تۇرىپ،
سەنى سۇيمەۋ نە دەگەن ماسقارالىق.
الدىمنان كورگەن ەمەس جول كەسىلىپ،
كەلەمىن دەمەۋىڭمەن ورگە شىعىپ.
و، ادامدار، عاپۋ ەت، شالىس باسسام،
كەشىرىڭدەر،
مەنىكى پەندەشىلىك.
ويلاي بەر مەنى...
تاعاتسىز كۇتكەن ىستىق ءۇن،
جارالى حال عوي - عاشىق حال.
كۇيساندىق كورسەڭ، ءبىر ءتىلىن
مەنى ويلاپ بار دا، باسىپ قال.
تەك قانا كوزگە جاس الما،
ويلاي بەر مەنى كۇنىگە.
ماحابباتتاردىڭ قاشاندا
ويلاماۋ جەتكەن تۇبىنە.
جانىما قاپ ەڭ جاقىن بوپ،
جۇرەكتە بۇگىن سىزداۋ كوپ.
مەن بولسام كەتتىم اقىن بوپ،
ازىراق باقىتسىزداۋ بوپ...
جولىعار بولسام قايتا مەن
ساعىنىش تولى سول شاقپەن.
ءبارىن دە ساعان ايتار ەم
جالعىز-اق تامشى مونشاقپەن.
ساعىنىش
ساعىندىم، جانىم، مەن سەنى!
كوركىڭدى جۇرگەن قۋانىش قىلىپ، مەندەي مە ەكەن بار اعاڭ،
شىن ءىنىم بولساڭ، باس ۇرما، جانىم، وسەك-عايباتقا بوراعان.
قاجەت جەرىندە قاتىگەزدىك پەن قاتالدىق كەرەك دەسەك تە،
ادامنىڭ زاڭعار ۇلىلىعىن، سەن، ساعىنىشىمەن ەسەپتە.
ونسىز سەن ءتىپتى تۇلپار دا بولساڭ، قوسىلا المايسىڭ قاتارعا،
اۋەلى ابدەن ساعىنىپ الماي، شىعۋشى بولما ساپارعا.
ساعىنباي بارساڭ، تەڭىز دە سەنىڭ تەبىرەنبەس جاستىق شاعىڭداي،
بۇلبۇلدىڭ داۋسىن ەسىتە المايسىڭ، باۋلارعا كىرسەڭ ساعىنباي.
ساعىنباي بارساڭ تاۋلار دا سەنىڭ الدىڭنان شىقپاس اسقاقتاپ،
ويلاۋىڭ مۇمكىن، دۇنيەنى مىناۋ كەتكەن ەكەن دەپ تاس قاپتاپ.
ۇمىتكە تولى، ارمانعا تولى، ءار جەردە بر ءتۇپ قاراعاي،
ساعىنباي جۇرسە، قالۋى مۇمكىن، جامىراسۋعا جاراماي.
بيىكتە تۇرعان تاۋلار دا مىناۋ نۇرىنا تاڭنىڭ بويالعان،
سەنى مەن مەنىڭ عاسىرلاپ كۇتكەن ساعىنىشىمنان ويانعان.
بابالار ءبىزدى ساعىنعان، جانىم، ارماننىڭ اڭساپ بيىگىن،
اجەلەر ءبىزدى ساعىنعان، جانىم، تالدىرىپ اسقار يىعىن.
كوكىرەگىڭدە ساعىنىش باردا، مۇرات تا سەندە بار جانىم،
الدىڭدا تۇرعان قىراتتىڭ ساعان كورىنبەي جاتقان ار جاعىن.
جازيرا بەلدەر قۋانىشىڭدى بولماسىن ماڭگى شەكتەمەك،
الىڭنان ورمان كەس-كەستەپ شىقسا، ساعىنىشىڭمەن كوكتەپ ءوت.
مەن بۇنى ساعان جازىپ وتىرمىن، ارمانىمدى وراپ سەزىمگە،
جان-جاقتان تۇسكەن شۇعىلانىڭ ءبارىن ساعىنىپ جۇرگەن كەزىمدە.
ءىى
ساعىنىش تولى قايتادان تولعاۋ، بولار دا بالكىم قولايسىز،
دەگەنمەن، جانىم، كوگىلدىر دۇنيە ساعىنباسىن ارايسىز.
ومىردە مىناۋ، ساعىنباعاندار، باقتسىز، باقسىز، تالايسىز،
قازاقتىڭ جىرى ابايسىز.
وتكەلى قىرۋار جولداردا جانعا باتقان دا شىعار سان ىزعار،
ءبىر قاسىق سۋدى اڭساتقان شىعار سان تارام سارشا تامىزدار.
بىراق تا، جانىم، ولەدى قىران قياعا سامعاپ باراتىپ،
بولعاسىن بەيباق ءوز جۇرەگىنىڭ ساعىنىشىنا قارىزدار.
و، شىركىن، مەنىڭ ساعىنىشىمداي كولەمى شەكسىز بولسا اۋدان،
ونداعى جاندار كوز اشپاس ەدى اۋ، ساعىنۋ مەنەن شارشاۋدان.
سۇيەم مەن سەنى، سۇيەم مەن سەنى، كوكىرەگى ىستىق دۇنيە،
تۇراتىن تۇگەل ساعىنۋ مەنەن اڭساۋدان!
ساعىنىش دەگەن - مولشىلىق قازىنا، بولا دا بەرەر ارتىق-كەم،
ال ناعىز اسقاق ساعىنىشتاردا ارانىڭ بالى بار تىپتەن.
مەن مىناۋ ىستىق جۇرەگىممەنەن قارا تاستى دا ساعىنام
قالانىپ قالسا تارتىپپەن!
ساعىنىش دەگەن الدىڭدا تۇرعان اق الا باستى كوك زاڭعار،
باقىتىڭ سەنىڭ - باعىتىن سولاي بارا جاتسا الىپ پاك جاندار.
زامانىم مەنىڭ جانارىمدا الىپ ساعىنىش بولىپ جارقىلداپ،
اعادى تىنباي كۇڭىرەنىپ سىڭسىپ، اەروپورتار مەن ۆوكزالدار.
ساعىنىش شالعاي ساپارلارىما جاساعان شاقتا يەلىك،
كەۋدەمە مەنىڭ سان رەت كەتكەن تابان استىندا كۇي ەنىپ.
قوينىمدا مەنىڭ قالعيدى بۇگىن اق جۇپار الەم، قىز-ءومىر،
سول ساعىنىشتىڭ كىرپىكتەرىنە سۇيەنىپ...
مەن بۇگىن سوناۋ كوگىلدىر كولگە ساعىنىپ ۇشىپ بارامىن،
بىرگە قاق قانات، قاسىمنان قالماي، ساعىنىپ كورگەن قاراعىم.
جالعاسىن سەن ايت بۇل اسقاق ءاننىڭ، جابىلىپ كەتسەم مەن ەگەر،
عۇلاما جىلدار سۋدىرلاتقاندا پاراعىن...
قاراڭعى تۇندە قامىعىپ جۇرسەڭ، قاناتىنا الىپ قاۋسىرار،
بۇل ءوزى، جانىم، ءايبات-اق دۇنيە، كۇنى جوق ءتىپتى تاۋسىلار،
ساعىنىشتار دا توبەڭنەن وتەر، تۇيدەك تە تۇيدەك كوش بولىپ،
كوكتەمدەگى بارلىق تىرنانىڭ داۋسى بار!
زۋلايدى ول بۇگىن - تۇسىمدا مەنىڭ جاڭعىرىپ بارىپ ەندىكپەن،
سۇرشا قۇمدارعا، قۇم شاعىلدارعا تاڭدايى كەۋىپ سەل كۇتكەن،
ەگەر سەن جارىق جانارىڭدى الساڭ قايعى مەن مۇڭعا قاپتاتىپ،
ساعىنىپ جۇرمەگەندىكتەن!
ساعىنىش دەپ ۇق، جۇيتكىسە پوەزد، بوساعاسىنا ءاندى ءىلىپ،
ساعىنىش دەپ ۇق، دالالار جاتسا، قالالار جاتسا جاڭعىرىپ.
و، سالەم ساعان، شارتاراپ قىرعا جۇلدىز بوپ اعىپ باراتقان،
ءوز جۇرەگىمنىڭ تۇكپىرىندەگى تۇڭعيىق، ءتۇپسىز ماڭگىلىك!
