ءالى كۇنگە سسسر تولقۇجاتىمەن جۇرگەن قازاقتار بار، -  دەپ جازدى بەلگىلى جۋرناليست گۇلميرا ابىقاي Facebook الەۋمەتتىك  جەلىسىندەگى  پاراقشاسىندا.

"قازىر پاسپورت تۇرماق، سسسر-ءدىڭ ءوزى جوق. تاۋەلسىز مەملەكەت بولعانىمىزعا شيرەك عاسىردان استى. ايتۋعا ۇيات. بۇل پروبلەمانى قوزعاۋ ۇساق-تۇيەك بولعانىمەن كىرىسۋگە تۋرا كەلەدى. ەرلى-زايىپتىلاردىڭ جاسى 50-ءدىڭ بەل ورتاسىندا. حوش، دەلىك جۇرت جاپپاي قۇجات اۋىستىرىپ جاتقان 90-جىلدارى سويۋزدىڭ قويىن باعىپ جايلاۋدا جۇرە بەرگەن. ودان كەيىن توقىراۋ بولدى. سوڭعى كەزدەرى سوۆەت پاسپورتىمەن جۇرگەن جانداردان ين سۇراپ زارەسىن ۇشىرعان" دەپ جازادى جۋرناليست.

گۇلميرا  ابىقاي الدا بۇل ماسەلەنى كتك ارناسىنداعى "داۋ-دامايسىز" باعدارلاماسىندا كوتەرەتىنىن ايتقان.

تاۋەلسىزدىك العالى 27 جىل. وسى 27 جىل ىشىندە بۇكىل قازاقستاندىقتاردى قۇجاتپەن قامتاماسىز ەتە الماعان قانداي  ەلمىز؟ جەرگىلىكتى اكىمشىلىك قايدا قاراپ وتىرعان؟ Cۇراق كوپ، جاۋاپ جوق!

ءشارىپحان قايسار

Abai.kz