بۇگىنگى كۇنگە دەيىن ۇيىمداستىرۋشىلار 470 دوللار جيناعان. ولار وتانداستارىن ەگيزباەۆتىڭ اتا-اناسى مەن ايەلىنىڭ قايعىسىن ءبولىسىپ، ماتەريالدىق كومەك كورسەتۋگە شاقىرىپ جاتىر.

ازاتتىقتىڭ قىرعىز قىزمەتىنىڭ ءتىلشىسى ۋلانبەك ەگيزباەۆتىڭ ءولىمى سۋعا باتىپ كەتكەننەن بولعان. بۇل جونىندە بىشكەكتە وتكىزىلگەن سوت-مەديتسينالىق ساراپتامانىڭ قورىتىندىسىندا ايتىلعان. ءىىم مالىمەتى بويىنشا، جۇگەرى ساتۋشىلار پيرستان 20 مەتر قاشىقتىقتا سۋ بەتىنە ءبىر شىعىپ، ءبىر باتىپ بارا جاتقان ادامدى بايقاعان. باستاپقىدا ولار وسىلايشا سۋدا ويناپ ءجۇر ەكەن دەپ ءمان بەرمەگەن. بىراق وزەن اعىسىمەن اعىپ بارا جاتقانىن بايقاعان سوڭ بارىپ، قۇتقارۋشىلارعا حابارلاعان.

الدىن الا ءمالىم بولعانداي، ۋلانبەك ەگيزباەۆ ايەلىمەن پانسيونات بولمەسىنىڭ كىلتىن اكىمشىلىككە تاپسىرىپ، كەتەرىنىڭ الدىندا تاعى ءبىر سۋعا ءتۇسىپ كەلەيىن دەپ، وزەنگە شومىلۋعا كەتكەن ەكەن.

ازاتتىقتىڭ قىرعىز قىزمەتىنىڭ ءتىلشىسى ۋلانبەك ەگيزباەۆ ىستىق كولدە وتباسىمەن دەمالۋعا بارعان كەزدە قازا تاپتى. ول نەبارى 28 جاستا ەدى. جاستىعىنا قاراماستان ۋلانبەك جۋرناليستىك زەرتتەۋ جانرىنا ۇلكەن ۇلەس قوسىپ كەتتى.

ۋلانبەك ەگيزباەۆتى جەرلەۋ ءراسىمى 24 شىلدەدە ءوزى تۋىپ-وسكەن اۋىلى نارىن وبلىسى كوچكور اۋدانىنىڭ كوك-جار اۋىلىندا وتەدى.

Abai.kz