تۋىستارىن تابۋ ماقساتىندا ول بالانى ۆيدەوعا ءتۇسىرىپ، الەۋمەتتىك جەلىدە جاريالادى. بۇل وقيعا از ۋاقىتتىڭ ىشىندە ينتەرنەت ارقىلى بۇكىل قازاقستانعا تارادى.
وقيعا قالانىڭ شىعىس اينالما جولىندا بولعان. زارداپ شەككەن بالانىڭ اتا-اناسىن الەۋمەتتىك جەلى ارقىلى تاپتى. "مەن جۇمىسقا كەتكەندە بالالار اۋلادا ويناپ جۇرگەن. مەن ولارعا ۇيگە كىرىڭدەر دەپ ايتىپ كەتكەم. اناسى دا سونى ايتقان. جۇمىستا ماعان وسى روليكتى كورسەتتى، مەن ەسىمنەن تانىپ قالدىم. قازىر دە ارەڭ سويلەپ تۇرمىن", - دەدى بالانىڭ اكەسى مۇرات اسقارۇلى.
قازىر بالا اۋرۋحانالاردىڭ بىرىندە وپەراتسيادان سوڭ كومادا جاتىر. "اۋرۋحاناعا تۇسكەن ۋاقىتتا بالانىڭ جاعدايى اسا اۋىر دەلىندى. باسىنان جاراقاتتانعان، دەنەسىندە سىرىلعان ىزدەر كوپ، سول جاق توبە سۇيەگىندە جاراقات بار. قازىر بالا قولدان تىنىس الۋ اپپارىتان قوسىلعان. ول كومادا جاتىر", - دەدى بالالارعا جەدەل مەديتسينالىق كومەك ورتالىعى باس دارىگەرىنىڭ ورىنباسارى دىنمۇحامەد رۋزۋددينوۆ.
بالانى قاققان جۇرگىزۋشى وعان العاشقى مەديتسينالىق كومەك كورسەتپەگەن، جەدەل جاردەم شاقىرماعان. ول بالانى ماتامەن وراپ، ىڭىرسىعان بالانى بۇتا اراسىنا تاستاپ كەتكەن. ونى جەكە سەكتوردا تۇراتىن ايەل تاۋىپ الدى. ول بالانىڭ جىلاعان داۋسىن ەستىپ، سول جەرگە بارعان. بۇل وقيعا الەۋمەتتىك جەلى قولدانۋشىلارىنىڭ ىزاسىن تۋعىزدى. ولار قىلمىسكەردىڭ جازالانۋىن تىلەيدى.
الماتى پوليتسياسى كۇدىكتىنى ءالى تاپقان جوق، وسى وقيعانى كورگەن قازاقستاندىقتاردان كومەك سۇراپ وتىر. "جەرگىلىكتى پوليتسيا قىزمەتىنىڭ ىزدەۋ ءبولىمى 16 شىلدەدە بولعان جول اپاتى كۋاگەرلەرىن كومەكتەسۋگە شاقىرادى. الماتىدا قاندايدا ءبىر جول اپاتى تۋرالى ەستىگەندەر تەز ارادا پوليتسياعا حابارلاسىن", - دەدى الماتى قالاسى ىشكى ىستەر دەپارتامەنتىنىڭ ءباسپاسوز حاتشىسى سالتانات ازيربەك.
Abai.kz
