«ۇكىمەتتى تاعى ءبىر جاھاندىق داعدارىسقا قارسى كۇرەس كۇتىپ تۇرعان ءتارىزدى» - رەسپۋبليكالىق باسىلىمدارعا شولۋ
استانا. 24 اقپان. قازاقپارات - قازاق اقپارات اگەنتتىگى رەسپۋبليكالىق باسىلىمداردا 24 اقپان، بەيسەنبى كۇنى شىققان وزەكتى ماتەريالدارعا شولۋدى ۇسىنادى.
***
«قازاقستان پرەزيدەنتى نۇرسۇلتان نازارباەۆتىڭ قىتاي حالىق رەسپۋبليكاسىنا جاساعان ۇشكۇندىك مەملەكەتتىك ساپارى اياقتالدى. بۇل ساپار ەكى ەل اراسىنا ۇلكەن سەرپىن اكەلدى، جاڭا بەلەسكە كوتەردى»، - دەپ جازادى «ايقىن» گازەتى بۇگىنگى نومىرىندەگى «قازاقستان مەن قحر ءبىر كوزقاراستى ۇستانادى» دەگەن ماقالادا. باسىلىمنىڭ اتاپ وتۋىنشە، ەلباسىنىڭ قحر توراعاسى حۋ تسزينتاومەن كەزدەسۋى بارىسىندا بىرقاتار قۇجاتتارعا قول قويىلدى. ولاردىڭ قاتارىندا قر ۇكىمەتى مەن قحر ۇكىمەتى اراسىنداعى ترانسشەكارالىق وزەندەر سۋلارىنىڭ ساپاسىن قورعاۋ تۋرالى، قر مەن قحر اراسىنداعى سوتتالعان ازاماتتاردى بەرۋ تۋرالى كەلىسىم، «قتج» ۇك» اق مەن قحر تەمىرجول مينيسترلىگى اراسىنداعى استانا-الماتى جىلدامدىعى جوعارى تەمىرجول ماگيسترالىنىڭ قۇرىلىسىن سالۋ بويىنشا ىنتىماقتاستىق تۋرالى مەموراندۋم، قىتايدىڭ مەملەكەتتىك دامۋ بانكى (قمدب) مەن «سامۇرىق-قازىنا» ۇلتتىق ءال-اۋقات قورى اراسىنداعى 1660 ملن اقش دوللارى بولاتىن نەسيەلىك كەلىسىم بار.
استانا. 24 اقپان. قازاقپارات - قازاق اقپارات اگەنتتىگى رەسپۋبليكالىق باسىلىمداردا 24 اقپان، بەيسەنبى كۇنى شىققان وزەكتى ماتەريالدارعا شولۋدى ۇسىنادى.
***
«قازاقستان پرەزيدەنتى نۇرسۇلتان نازارباەۆتىڭ قىتاي حالىق رەسپۋبليكاسىنا جاساعان ۇشكۇندىك مەملەكەتتىك ساپارى اياقتالدى. بۇل ساپار ەكى ەل اراسىنا ۇلكەن سەرپىن اكەلدى، جاڭا بەلەسكە كوتەردى»، - دەپ جازادى «ايقىن» گازەتى بۇگىنگى نومىرىندەگى «قازاقستان مەن قحر ءبىر كوزقاراستى ۇستانادى» دەگەن ماقالادا. باسىلىمنىڭ اتاپ وتۋىنشە، ەلباسىنىڭ قحر توراعاسى حۋ تسزينتاومەن كەزدەسۋى بارىسىندا بىرقاتار قۇجاتتارعا قول قويىلدى. ولاردىڭ قاتارىندا قر ۇكىمەتى مەن قحر ۇكىمەتى اراسىنداعى ترانسشەكارالىق وزەندەر سۋلارىنىڭ ساپاسىن قورعاۋ تۋرالى، قر مەن قحر اراسىنداعى سوتتالعان ازاماتتاردى بەرۋ تۋرالى كەلىسىم، «قتج» ۇك» اق مەن قحر تەمىرجول مينيسترلىگى اراسىنداعى استانا-الماتى جىلدامدىعى جوعارى تەمىرجول ماگيسترالىنىڭ قۇرىلىسىن سالۋ بويىنشا ىنتىماقتاستىق تۋرالى مەموراندۋم، قىتايدىڭ مەملەكەتتىك دامۋ بانكى (قمدب) مەن «سامۇرىق-قازىنا» ۇلتتىق ءال-اۋقات قورى اراسىنداعى 1660 ملن اقش دوللارى بولاتىن نەسيەلىك كەلىسىم بار.
«ايقىن» گازەتىندە شانحاي ىنتىماقتاستىق ۇيىمىنىڭ باس حاتشىسى مۇراتبەك يماناليەۆتەن الىنعان سۇحبات «استانا ءسامميتى -توراعالىقتىڭ شارىقتاۋ شەگى» دەگەن تاقىرىپپەن بەرىلگەن. باسىلىم ءتىلشىسىنىڭ بارلىق ساۋالدارىنا ەگجەي-تەگجەيلى جاۋاپ بەرگەن ول: «قازاقستان رەسپۋبليكاسىنىڭ قازىرگى قول جەتكىزگەن تابىستارىنىڭ لوگيكالىق ناتيجەسى رەتىندە شەتەلدىك مەملەكەتتەردىڭ رەسمي وكىلدەرى تاراپىنان حالىقارالىق قولداۋعا يە بولۋىن جانە قازاقستاننىڭ ەقىۇ-عا توراعالىققا سايلانۋىن اتاۋعا بولادى. قازاقستان وسى ۇيىمنىڭ جاۋاپكەرشىلىگى اۋقىمىنداعى قاۋىپسىزدىك پروبلەمالارىن جاڭاشىل تۇرعىدا باعالادى، اۋعانستانداعى جاعدايدى تۇراقتاندىرۋعا ەقىۇ-نىڭ قولداۋ كورسەتۋدىڭ مۇمكىن جولدارىن ىزدەۋى - وسى سوزىمىزگە دالەل»، - دەيدى.
***
«كەشە ءماجىلىستىڭ جالپى وتىرىسىندا دەپۋتاتتار «2011-2013 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا ەنگىزىلگەن وزگەرىستەر مەن تولىقتىرۋلار تۋرالى» زاڭ جوباسىن ءبىراۋىزدان ماقۇلداپ، قۇجاتتى سەناتقا جولدادى. وسى اپتادا جوعارعى پالاتا بيۋدجەتتى قابىلداسا، ۇكىمەت تە بىردەن ىسكە كىرىسپەك نيەت تانىتىپ وتىر»، - دەپ جازادى «الاش ايناسى» گازەتى. باسىلىمنىڭ اتاپ وتۋىنشە، پارلامەنت قابىرعاسىندا وتكەن بيۋدجەت تالقىلاۋ بارىسىندا بىرقاتار وزەكتى ماسەەلەر دە كوتەرىلگەن. ماسەلەن، دەپۋتات روزاقۇل حالمۇرادوۆ ورالماندار كۆوتاسىنىڭ تومەنگە «قۇلدىراپ» بارا جاتقانىنا الاڭداۋشىلىق بىلدىرگەن. سونداي-اق ۇكىمەت باسشىسىنىڭ اتىنا دەپۋتاتتىق ساۋال جولداعان نۇرلان ونەرباي دا ورالماندار ماسەلەسىن كوتەرگەن. جوعارىدا ايتىلعان جايتتار جايىندا كەڭ ماعلۇمات العىڭىز كەلسە، باسىلىمداعى «ۇكىمەتتى تاعى ءبىر جاھاندىق داعدارىسقا قارسى كۇرەس كۇتىپ تۇرعان ءتارىزدى» دەگەن تاقىرىپقا نازار سالىڭىز.
كەشە ۇكىمەت ۇيىندە پرەمەر-مينيستر كارىم ءماسىموۆتىڭ قاتىسۋىمەن «KEGOC» اق-نىڭ باسقارما توراعاسى الماسادام ساتقاليەۆ «Hyundai Engineering CO.Ltd»، «Hyundai Corporation» كومپانيالارىنىڭ جانە «Korea Electric Power Corporation» (كەپكو) كونسورتسيۋمىنىڭ باسشىلارىمەن «قازاقستاننىڭ ۇلتتىق ەلەكتر جەلىلەرىن جاڭعىرتۋدىڭ ءىى كەزەڭى» جوباسىنا بايلانىستى كەلىسىمشارتقا قول قويدى. وسى جايت «الاش ايناسى» گازەتىنىڭ بەيسەنبىلىك نومىرىندە جارىق كورگەن «كورەيلىك كومپانيالار ەلىمىزدىڭ ەلەكتر جەلىلەرىن جاڭعىرتۋعا اتسالىسادى» دەگەن ماقالاعا ارقاۋ بولعان. باسىلىمنىڭ اتاپ وتۋىنشە، بۇل قۇجاتقا سايكەس كورەيالىق كومپانيالار اقتوبە، باتىس جانە شىمكەنت ايماقارالىق ەلەكتر ستانسالارى فيليالدارىنداعى 500 جانە 220 كۆت-تىق قوسالقى ستانسالاردى باستان-اياق جاڭعىرتۋ جۇمىستارىن جۇزەگە اسىرادى. كەلىسىمشارت ەۋروپالىق قايتا قۇرۋ جانە دامۋ بانكىنىڭ زايم قاراجاتى ەسەبىنەن قارجىلاندىرىلادى. زايمنىڭ جالپى سوماسى 255 ملن. ەۋرو، ونىڭ 73 ملن. ەۋروسىن كورەيالىق كومپانيالار يگەرەدى.
***
«ليۆياداعى تارتىپسىزدىكتەرگە بايلانىستى كونسۋلدىق قىزمەت دەپارتامەنتى سول ەلدەگى قازاقستاننىڭ ديپلوماتيالىق ميسسياسىمەن بىرلەسە وتىرىپ، قر ازاماتتارىن اتالمىش ەلدەن شىعارۋ بويىنشا ءتيىستى جۇمىستاردى اتقارۋدا»، - دەپ جازادى «كازاحستانسكايا پراۆدا» گازەتى بۇگىنگى نومىرىندەگى «ۆسە مەرى پرينياتى» دەگەن ماقالاسىندا. باسىلىمنىڭ اتاپ وتۋىنشە، ديپميسسياسىنىڭ مالىمەتىنە سايكەس، قازىرگى ۋاقىتتا ليۆيادا كونسۋلدىق ەسەپتە بولعان 21 ازاماتىمىز قالۋدا. ولاردىڭ ىشىندە: 3-ەۋى ديپميسسيانىڭ قىزمەتكەرلەرى جانە ولاردىڭ وتباسى مۇشەلەرى، 6-اۋى ستۋدەنتتەر، 5-ەۋى شەتەل ازاماتتارىنىڭ جۇبايلارى، 7-ەۋى ءارتۇرلى شەتەلدىك كومپانيالاردا ىستەيتىن قازاقستان ازاماتتارى. تريپوليدەن تۇسكەن سوڭعى اقپاراتقا سايكەس، قر ديپميسسياسى رەسەيدىڭ ارنايى بورتىنا ەلىمىزدىڭ ازاماتتارىن وتىرعىزۋ بويىنشا كورشىلەس مەملەكەت تاراپىمەن ءتيىستى جۇمىستارىن اتقاردى. ليۆياداعى وتانداستارىمىزدى ەلگە شىعارۋ بويىنشا ءبىرىنشى ارنايى بورت 23 اقپاندا جەرگىلىكتى ۋاقىتپەن ساعات 4.00 شاماسىندا تريپولي اۋەجايىنان ۇشىپ شىقتى.
