جۋىردا الماتى قالاسىندا ورنالاسقان قر ۇقك شەكارا قىزمەتى اكادەمياسىندا جاس وفيتسەرلەردى شىعارىپ سالۋعا ارنالعان مەرەكەلىك شارا ءوتتى.

اتالعان ءىس-شاراعا قر ۇلتتىق قاۋىپسىزدىك كوميتەتى توراعاسىنىڭ ورىنباسارى، شەكارا قىزمەتى ديرەكتورى، گەنەرال-مايور ايتقاليۇلى دارحان ديلمانوۆ باستاعان ۇزىن-ىرعاسى 20-عا جۋىق گەنەرال كەلىپ قاتىستى.

مەرەكەلىك شاراعا ارنايى كەلگەن قوناقتار قاتارىندا قىرعىز رەسپۋبليكاسىنىڭ مەملەكەتتىك شەكارا قىزمەتى كادرلار ءبولىمىنىڭ باسشىسى، پولكوۆنيك كەنەشبەكۇلى تۇراتبەك شابدانبەكوۆ، قىرعىز رەسپۋبليكاسى مشق ءبىلىم ءبولىمىنىڭ باسشىسى، مايور تاشتانبەكۇلى تاالايبەك ءجۇسىپوۆ پەن قازاقستاننىڭ ۇلتتىق قاۋىپسىزدىك كوميتەتىنىڭ ارداگەرلەرى بولدى.

سالتاناتتى جيىن قر ۇلتتىق قاۋىپسىزدىك كوميتەتى توراعاسىنىڭ ورىنباسارى، شەكارا قىزمەتى ديرەكتورى، گەنەرال-مايور  دارحان ديلمانوۆتىڭ العى سوزىنەن كەيىن جالعاستى.

60 جۇپ وفيتسەرلىك ۆالس ءبيىن بيلەدى. اسكەري وركەستر ءوز ونەرلەرىن كورسەتتى. 2 ديۆيزيوننىڭ 40-قا جۋىق كۋرسانتى ساپتىق ءادىس كورسەتتى. قويان-قولتىق ۇرىس جاعدايىنان كورىنىستەر كەلتىرىپ، اسكەري ماشىقتارىن جيىلعان جۇرتقا پاش ەتتى. جاس وفيتسەرلەردىڭ جاۋىنگەرلىك رۋحىن كوتەرەتىن اسكەري پاتريوتتىق اندەر ورىندالدى.

بيىل، قر ۇقك شەكارا قىزمەتى اكادەمياسىن 200-دەن استام تۇلەك اياقتاپ، لەيتەنانت اتاعىن يەمدەنىپ وتىر. ولاردىڭ قاتارىندا حالىقارالىق كەلىسىمدەر نەگىزىندە 30-عا جۋىق شەتەلدىك ستۋدەنت ديپلوم الدى.  شەتەلدىك تۇلەكتەردىڭ ساپىندا قىرعىزستان، تاجىكستان مەن اۋعانىستاننان كەلگەن ازاماتتار بار. ولار حالىقارالىق كەلىسىمدەر نەگىزىندە وقۋعا قابىلدانعان.

ايتا كەتەيىك، قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ اكادەمياسى تاۋەلسىزدىك جىلدارى 6000-نان استام شەكاراشى وفيتسەرلەردى دايىنداپ شىعاردى. وقۋ ورنىنىڭ 45 تۇلەگى كەڭەستەر وداعىنىڭ باتىرى اتانسا، 5-ءى رەسەي فەدەراتسياسىنىڭ باتىرى اتاعىنا يە بولدى. اكادەميانىڭ 300-دەن استام تۇلەگى ەڭ جوعارعى اسكەري اتاق «گەنەرال» شەنىن الدى.

Abai.kz