بيىل ءساۋىر ايىندا باعداد لاگەرىنەن ءتورت تاجىك بالاسى ەلگە جەتكىزىلگەن. ولار قازىر جاقىن تۋىستارىنىڭ وتباسىندا تاربيەلەنىپ جاتىر. مامىر ايىنان باستاپ ءار بالامەن جەكە پسيحولوگ ۇيلەرىنە بارىپ، جۇمىس ىستەيدى.

قىزىل كرەست پسيحولوگى بحاۆا پويدۋال بالالارمەن بىرنەشە رەت كەزدەسكەنىن ايتادى. «ءبىز بالالارمەن سويلەسەمىز، ولارمەن ءتۇرلى ويىندار وينايمىز. اڭگىمەلەسۋ ءبىر ساعاتتان ءتورت ساعاتقا دەيىن جالعاسادى»، - دەيدى پسيحولوگ.

يراكتان ورالعان بالالاردىڭ ىشىندە 11 جاستاعى ءماريام بار. قىز قازىر اتاسىنىڭ قولىندا تاربيەلەنىپ جاتىر. «ءماريام وتە سۇيكىمدى. بىراق ول اينالاسىنداعىلار ءجيى قوياتىن سۇراقتارعا جاۋاپ بەرگىسى كەلمەيدى. جاندارى جارالى بالالاردان ول جاقتان نە كوردىڭ، نە بولدى دەگەن سۇراقتار قويىپ، مازاسىن الۋعا بولمايدى. ءبىز ولاردىڭ باستارىنان وتكەن اۋىر جاعدايدى ۇمىتتىرۋعا كومەكتەسۋىمىز كەرەك»، - دەيدى پسيحولوگ.

تاياۋدا بۇۇ-نىڭ بالالار قورىنىڭ (يۋنيسەف) تاجىكستانداعى وكىلى تاياۋ شىعىستان ورالعان بالالارعا ماتەريالدىق جانە الەۋمەتتىك تۇرعىدان كومەكتەسەتىنىن جەتكىزگەن.

يراكتان ورالعان ءتورت بالا دا قىركۇيەك ايىندا مەكتەپكە بارماق.

Abai.kz