2018 جىلدىڭ 15-16 ماۋسىمى ارالىعىندا استانا قالاسىندا ەلىمىزدىڭ استاناسىنىڭ 20 جىلدىعىنا وراي "Voice of Astana" I حالىقارالىق  بايقاۋى ءوتتى.

قازاقستان استاناسى استانا قالاسىنىڭ 20 جىلدىعىن مەرەكەلەۋگە ارنالعان  وسى ءىس-شارانى قازاقستان رەسپۋبليكاسىنىڭ مادەنيەت جانە سپورت مينيسترلىگى ۇيىمداستىردى.

تاۋەلسىز قزاقستاننىڭ برەندىنە اينالعان ەلىمىزدىڭ ماقتانىشى – استانا قالاسىنا الەمنىڭ مۋزىكا قاۋىمداستىعىنىڭ نازارىن اۋدارۋ ماقساتىندا، حالىقارالىق دەڭگەيدەگى ەسترادا ورىنداۋشىلارىنىڭ بايقاۋىن وتكىزۋ تۋرالى شەشىم قابىلداندى.

بايقاۋعا قاتىسۋ سۇرانىسىن قابىلداۋ 25 مامىردا اياقتالدى. الەمنىڭ 20-دان استام مەملەكەتىنەن ءتۇرلى جانرداعى 500 ورىنداۋشى وسى الامانعا قاتىسۋعا نيەت ءبىلدىردى. ىرىكتەۋدىڭ ناتيجەسىندە رەسەي، قازاقستان، ءازىربايدجان، گرۋزيا، ۇلىبريتانيا، اقش، يتالي، ۋكراينا، بولگاريا، ەستونيا، قىرعىزستان، قىتاي، ءۇندىستان، مونعوليا، تۇركيا، تاتارستان ، يزرايل، ارمەنيا، وزبەكستان مەملەكەتتەرىنەن كەلگەن 20 قاتىسۋشى جارتىلاي فينالدا ءوز ونەرلەرىن كورسەتتى.

15 ماۋسىمدا وتكەن جارتىلاي فينالدا كونكۋرسانتتار وسى شاراعا ارنايى جازىلعان قازاقستان استاناسى تۋرالى اندەر ورىنداۋى ءتيىس بولدى، ال 16 ماۋسىمدا وتكەن فينالدا  قاتىسۋشىلار ءوز رەپەرتۋارىنان ءان شىرقادى. ۆوكاليستەرگە ورىنداۋ شەبەرلىگى مەن ارتيستيزم جاعىنان باعا بەرىلدى. بايقاۋدىڭ ءادىل قازىلار القاسىنىڭ قۇرامىنا قر-نىڭ مادەنيەت جانە سپورت ءمينيسترى ارىستانبەك مۇحامەديۇلى، قر-نىڭ ەڭبەك سىڭىرگەن قايراتكەرى بايعالي سەركەباەۆ، رف-نىڭ ەڭبەك سىڭىرگەن ءارتيستى ۆالەري مەلادزە، 31 ارنانىڭ باس ديرەكتورى باعدات قودجاحمەتوۆ، حالىقارالىق «ەۆروۆيدەنيە» جانە بالالار «ەۆروۆيدەنيە» بايقاۋلارى باسقارماسىنىڭ مۇشەسى نيكولا كاليگيورە، سونداي-اق Discover Silk Road Star-دىڭ باس ديرەكتور اۆتانديل گۆاساليا كىردى.

سونىمەن، جارتىلاي فينال جانە فينال كەزەڭدەرىنىڭ ناتيجەلەرىنىڭ نەگىزىندە «Voice of Astana» 1 حالىقارالىق ەسترادالىق ورىنداۋشىلار بايقاۋىنىڭ كەلەسى جەڭىمپازدارى انىقتالدى:

گران-پري جانە بايقاۋ  ديپلومانتى اتاعىن گرۋزيادان كەلگەن قاتىسۋشى اۆتانديل ابسياميدزە جەڭىپ الدى.  ى ورىن مەن بايقاۋدىڭ لاۋرەاتى اتاعى «Golstone» مەن بەردىبەك قۇلعاراەۆقا بەرىلدى. ءىى ورىن مەن بايقاۋ لاۋرەاتى اتاعىن كونكۋرسانت لين باو (قىتاي) مەن تاتيانا دوكانينا (ۋكراينا) يەلەندى. سونىمەن قاتىسۋشىلاردىڭ جۇلدەلى ورىندارىنىڭ قاتارىن ءازىربايجاننان كەلگەن قاتىسۋشى يلحام نازاروۆ اياقتايدى . ول ءىىى ورىن مەن بايقاۋ لاۋرەاتى اتاعىن جەڭىپ الدى. سونىمەن قاتار جەڭىمپازدارعا اقشالاي  سىلىقتار تابىستالدى.

فەستيۆال اياسىندا 15 ماۋسىم كۇنى قازاقستاندىق جانە رەسەيلىك ەسترادا جۇلدىزدارى قاتىسقان باتىرحان شۇكەنوۆتى ەسكە الۋعا ارنالعان ۇلكەن كونتسەرت ءوتتى. فەستيۆال اياقتالعان، 16 ماۋسىم، كۇنى قازاقستاننىڭ ەڭبەك سىڭىرگەن ءارتيسى بايعالي سەركەباەۆتىڭ شىعارماشىلىق كەشى بولىپ ءوتتى. بۇل كونتسەرتكە ۆالەري مەلادزە، لەونيد اگۋتين، ۆلاديمير پرەسنياكوۆ، الەكسەي چۋماكوۆ، يۋلياننا كاراۋلوۆا، ەلينا چاگا، «A-Studio» توبى، روزا رىمباەۆا، كارينا ابدۋللينا، مەيرامبەك بەسپاەۆ، JCS توبى، ايقىن، جۇبانىش جەكسەنۇلى، ءدىلناز احماديەۆا، ءالي وقاپوۆ، دينارا سۇلتان، مارسەل، دينايا، ليدو، The Jigits, اعايىندى جۇگۇنۇسوۆتەر، Vox Acapella قاتىستى.

كەش قوناقتارىنىڭ ىشىندە حالىقارالىق "ەۆروۆيدەنيە" بايقاۋىندا ءىى جۇلدەلى ورىنعا يە بولعان بولگار ءانشى كريستيان كوستوۆ بولدى. البومدارى  مەن سينگلدارى پلاتينا مارتەبەسىن يەلەنگەن ايگىلى امەريكالىق پوپ-ءانشى اناستەيشانىڭ كورسەتكەن 40 مينۋتتىق ونەرى فەستيۆالدىڭ ءسانى مەن ۇيىمداستىرۋشىلار تاراپىنان جاسالعان توسىنسىي بولدى. ءانشى ءوزىنىڭ ەڭ ۇزدىك جانە تانىمال كومپوزيتسيالارىن، سونداي-اق «جاينا استانا» ءانىن شىرقادى.

ۇيىمداستىرۋشىلاردىڭ جوسپارى بويىنشا بايقاۋ جىل سايىن وتكىزىلەتىن بولادى.

Abai.kz