بەيسەنبى, 23 مامىر 2024
4180 2 پىكىر 15 ماۋسىم, 2018 ساعات 07:37

نازارباەۆا مەن گيففورد دونالد ترامپ پەن كيم چەن ىننىڭ كەزدەسۋىن تالقىلادى

پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا ۇلىبريتانيا ەلشىسى مايكل گيففوردتى قابىلدادى.

د.نازارباەۆا استاناداعى ديپلوماتيالىق ميسسيانىڭ باستالۋىمەن م. گيففوردتى قۇتتىقتادى جانە ونىڭ كاسىبي تاجىريبەسى ءبىزدىڭ ەلدەردىڭ اراسىنداعى قارىم-قاتىناستى ودان ءارى نىعايتۋعا ىقپال ەتەتىنىنە سەنىم ءبىلدىردى.

جۇزدەسۋشىلەر دونالد ترامپ پەن كيم چەن ىننىڭ سينگاپۋردا بولعان كەزدەسۋى جانە كورەي تۇبەگىن قارۋسىزداندىرۋ ماسەلەلەرىنىڭ شەشىلۋى تۋرالى پىكىر الماستى. د.نازارباەۆانىڭ پىكىرىنشە، اقش پەن كحدر باسشىلارى اراسىنداعى كەلىسسوزدەرگە ءۇمىت ارتۋعا بولادى.

سەنات كوميتەتىنىڭ توراعاسى قازاقستان مەن بريتانيا اراسىنداعى دوستىق جانە سەنىمدى قاتىناستاردى جوعارى باعالاپ، ۇلىبريتانيانىڭ قازاقستاننىڭ ماڭىزدى ستراتەگيالىق ارىپتەسى ەكەنىن اتاپ ءوتتى. اۋقىمدى ساۋدا- ەكونوميكالىق، قارجى جانە ينۆەستيتسيالىق ىنتىماقتاستىق ورناتىلدى. د.نازارباەۆا استانا» حالىقارالىق قارجى ورتالىعىنىڭ اشىلۋىنا بايلانىستى بريتان بانكىلەرى مەن قارجى ينستيتۋتتارىنىڭ الدىندا اشىلاتىن زور مۇمكىندىكتەرگە نازار اۋداردى.

تاراپتار مادەني-گۋمانيتارلىق بايلانىستاردى دامىتۋ ماسەلەلەرىن تالقىلادى. د.نازارباەۆا ءبىلىم، عىلىم جانە جاڭا تەحنولوگيالار سالاسىنداعى ىنتىماقتاستىقتىڭ ناتيجەلى سيپاتىن ريزاشىلىقپەن اتاپ ءوتتى. سەناتور بريتان كەڭەسى مەن ەلىمىزدىڭ ءبىلىم جانە عىلىم مينيسترلىگىن بىرلەسكەن جوبالاردى ىسكە اسىرۋعا جاردەمدەسۋگە شاقىردى.

اڭگىمە بارىسىندا ەكى ەلدىڭ زاڭ شىعارۋ ورگاندارىندا جۇمىس ىستەيتىن دوستىق توپتارى زور ءرول اتقاراتىن پارلامەنتارالىق ۇنقاتىسۋدىڭ ماڭىزدىلىعى اتاپ ءوتىلدى. د.نازارباەۆا اتاپ وتكەندەي، بريتان دەپۋتاتتارىنىڭ قازاقستاندىق ارىپتەستەرىمەن بايلانىستارى قازاقستان مەن ۇلىبريتانيانىڭ پارلامەنتتەرى اراسىنداعى بايلانىستاردى كەڭەيتۋ مەن تەرەڭدەتۋدە شەشۋشى ىقپالى بولۋى ءتيىس.

Abai.kz

2 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2276
ادەبيەت

«سولاي ەمەس پە؟»

عابباس قابىشۇلى 2626
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2658
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1719