وتكەن جەكسەنبىدە بەيجىڭدە اقش ساۋدا ءمينيسترى ۋيلبۋر روسس پەن قحر مەملەكەتتىك كەڭەسىنىڭ ۆيتسە-پرەمەرى ليۋ حە اراسىنداعى كەزدەسۋ ناتيجەسىز اياقتالعاننان كەيىن، قىتاي وسىنداي مالىمدەمە جاسادى.
بىراق قىتاي سىرتقى ىستەر ءمينيسترىنىڭ ءباسپاسوز حاتشىسى حۋا چۋنينگ "قىتاي ەسىگى اقش-پەن ديالوگ ءۇشىن ءاردايىم اشىق" دەپ اتاپ ءوتتى.
Reuters قىتايدىڭ مەملەكەتتىك China Daily گازەتىنە سىلتەمە جاسايدى. قىتاي باسىلىمى "ترامپ اقش-پەن قىتاي اراسىنداعى ەكونوميكالىق بايلانىستان ءوزارا قارىم-قاتىناس پەن ادىلدىك ىزدەيدى. بىراق ول ءالى كۇنگە دەيىن اقش-تىڭ ەكونوميكالىق مۇمكىندىگىن پايدالانىپ، قىتايمەن قارىم-قاتىناستا تەك پايدا ىزدەيدى" دەپ جازعان.
قىتايدىڭ وزگە Global Times مەملەكەتتىك باسىلىمى دا "كەلىسسوزدەر تەك قىتايدىڭ مۇددەسىنە جىعىلا المايدى" دەپ اتاپ وتكەن.
دونالد ترامپ قۇراما شتاتتار مەن قىتاي اراسىنداعى قازىرگى ساۋدا بايلانىسى اقش ءۇشىن ءتيىمسىز دەپ بىرنەشە مارتە ايتىپ كەلەدى.
بەيجىڭمەن كەلىسپەۋشىلىك تۇسىندا اقش پرەزيدەنتى ەۋروپالىق وداق، كانادا جانە مەكسيكادان شىعاتىن قۇرىش جانە اليۋمينيگە قوسىمشا سالىق ەنگىزدى. اقش-تىڭ وداقتاستارى بولىپ سانالاتىن اتالعان مەملەكەتتەر جاۋاپ رەتىندە امەريكالىق تاۋارلارعا قوسىمشا تاريف ەنگىزەتىندەرىن مالىمدەدى.
Abai.kz
