ەنەرگەتيكا ۆيتسە-ءمينيسترى باقىتجان جاقساليەۆ ءۇي قاماۋىنا الىندى. بۇل تۋرالى سىبايلاس جەمقورلىققا قارسى ءىس-قيمىل ۇلتتىق بيۋروسىنداعىلار ايتتى، - دەپ حابارلايدى Tengrinews.kz تىلشىسى.

"سىبايلاس جەمقورلىققا قارسى ءىس-قيمىل ۇلتتىق بيۋروسى ەنەرگەتيكا ۆيتسە-ءمينيسترى جاقساليەۆتىڭ زاڭعا قايشى ارەكەتتەرىن اشكەرەلەدى. ششۋچە-بۋراباي كۋرورتتىق ايماعىنىڭ كولىن تازالاۋ بويىنشا جۇمىستى قابىلداۋ بارىسىندا. ول 2015 جىلى "ايماق جانە ك" جشس" مەردىگەر ۇيىمىنىڭ مۇددەسىن قورعاپ، قىزمەتتىك قۇزىرەتىن اسىرا پايدالاندى دەگەن كۇدىككە ءىلىندى. اتقارىلعان جۇمىس كولەمى 30 ەسە كوبەيتىپ كورسەتىلگەنىن بىلە تۇرا، جاقساليەۆ سۋ قويماسىنىڭ تۇبىنەن 109 مىڭ تەكشە مەتر لاي الۋ تۋرالى اكتىلەرگە زاڭسىز قول قويعان، بۇل جۇمىستاردى اتقارۋعا مەردىگەر ۇيىمعا 863 ميلليون تەڭگە اقشا بولىنگەن. سوت-مەديتسينالىق ساراپتاما قورىتىندىسىنا سايكەس، اتقارىلماعان جۇمىس قۇنى 746 ميلليون تەڭگە بولعان. جاقساليەۆتىڭ زاڭسىز ارەكەتىنىڭ سالدارىنان مەملەكەتكە وسى كورسەتىلگەن سومادا شىعىن كەلگەن. كۇدىكتىگە قاتىستى ء"ۇي قاماۋىنا الۋ" تۇرىندەگى بۇلتارتپاۋ شاراسى تاڭدالدى", - دەلىنگەن حابارلامادا.

باقىتجان جاقساليەۆ ۇيلەنگەن، ءۇش بالاسى بار. ءار جىلدارى KEGOC, "كورەم", "پاۋەر ينجينيرينگ", "كازترانسگاز" جانە "ينتەرگاز تسا" كومپانيالارىندا جۇمىس ىستەگەن. يندۋستريا جانە جاڭا تەحنولوگيالىق ۆيتسە-ءمينيسترى بولعان.

Abai.kz