ءدىن مەنىڭ تاقىرىبىم ەمەس، بۇل جونىنەن ءبىلىمىم از. بىراق ۋاعىزشىلاردىڭ تۇپكى ويىن تانىپ تۇرىپ، ونىڭ ەلدىككە زيانى بارلىعىن ءبىلىپ تۇرىپ ۇندەمەي قالۋدى اللانىڭ الدىندا، ءوز ارىمنىڭ الدىندا مۇسəپىرلىككە بالايمىن.

دۇنيەسى، بايلىعى بار قىزدار جاعدايى ناشار ەركەككە ەكىنشى، ءۇشىنشى، ءتورتىنشى بولىپ شىعىپ، كۇيەۋىنىڭ جاعدايىن جاساسىن، كىشىجار بəيبىشەنىڭ بالاسىنىڭ ءىشىپ جەپ، كيىنۋىن، بولاشاعىن مىندەتىنە السىن دەگەن ويدى جەلپىنىپ تۇرىپ، تاماعىن كەنەپ قويىپ ۋاعىز ايتۋدا. بۇل نە سوندا؟ ەجەلدەن كەلە جاتقان وتباسىلىق قۇندىلىققا سوققى بەرۋ مە؟ ەر اتىن يەلەنگەن ەرلەر نامىسى كەلمەي تىڭدايتىن دۇنيە مە ءوزى؟ Əلدە جاۋاپسىز əكە، الفونس، ماسىل ەركەك سانىن كوبەيتۋگە جاسالعان، ءسويتىپ، قازاق ازاماتىنىڭ بويىنداعى نامىستى ولتىرۋگە جاسالعان ۋاعىز با؟ قايسى بولسا دا دۇرىس ەمەس، ونىڭ الدىنا قازاق سانىن كوبەيتۋدى بەتپەردە ەتىپ، ۇلتتى ازعىنداتاتىن مۇنداي ۋاعىزدىڭ پايداسىنان زيانى كوپ قوي.

رەسەيدە شاميل الياۋدتينوۆ دەگەن ۇلكەن عالىم بار. يسلامدى قورعاپ سويلەگەندە ەلدى اۋزىنا قاراتىپ، وپپەنەنتتەرىن دە جىمداي قىلادى. ايىزىڭ قانادى. بىراق وتكەندە مەن سول كىسىنىڭ ءبىر ۋاعىزىن تىڭداپ بوي تارتىپ، تىتىركەنىپ قالدىم. ونىڭ ارماندى ماقساتى - رەسەي كەرەگەسىن كەڭەيتۋ، ورىس ءتىلىنىڭ ۇستەمدىگى جۇرەتىن شەكارانى ۇلعايتا ءتۇسۋ ەكەن.
كەزىندە ورىس حاننىڭ ۇرپاعى ۋرۋسوۆ پەن ءتۇبى ارىستان جۇرەكتى وراز-مۇحامەد سۇلتاننىڭ ۇرپاعى تەۆكەلەۆ اراعا دەلدالدىققا ءجۇرۋى بوداندىقتىڭ قامىتىن كيگىزگەنىندەي شاميل باۋىردىڭ دا كوكسەگەنى بار ەكەن. جəنە ول ءبىزدىڭ ەلدىگىمىزگە زيانى بار وي.

سوندىقتان ۋاعىزدىڭ دا ۋاعىزى، ۋاعىزشىنىڭ دا ۋاعىزشىسى بار، تالعاماي جۇتىپ، تاماعىمىزعا كولدەنەڭ تۇرىپ قالماۋىن ەسكەرسەك دەيمىن.

انار تولەۋحانقىزىنىڭ Facebook-تەگى پاراقشاسىنان

Abai.kz