اعىمداعى جىلعى 25 مامىر كۇنى ازات پەرۋاشەۆ «اق جول» پارتياسىنىڭ بىرقاتار باسشىلارىمەن جانە فراكتسيانىڭ دەپۋتاتتارىمەن بىرگە شىمكەنتتەگى «AZALA» كومپانيالار توبىنىڭ توقىما كلاستەرىنە كىرەتىن كاسىپورىنداردا جانە «جاسامپاز» كونسورتسيۋمىندا بولىپ، كومپانيا باسشىلىعى مەن ەڭبەك ۇجىمدارىمەن كەزدەستى، دەپ حابارلايدى «اقجول» قدپ ءباسپاسوز قىزمەتى.

«اقجولدىقتار» كاسىپورىنداردىڭ جۇمىسىمەن تانىسىپ، كاسىپكەرلەرمەن مەملەكەتتىك قولداۋدىڭ قاجەتتى شارالارىن قوسا العاندا، ءوندىرىس ءۇشىن كوممۋنالدىق قىزمەتتەرگە تاريفتەردى سۋبسيديالاۋ، مەملەكەتتىك ساتىپ الۋلار شەڭبەرىندە وتاندىق وندىرۋشىلەردىڭ مۇددەلەرىن قورعاۋ مۇمكىندىگى ماسەلەلەرىن تالقىلادى.

بىرلەستىكتىڭ ديرەكتورى گۇلنارا  سادىقبەكوۆا كاسىپكەرلەر پارتياسىنىڭ وكىلدەرىنە كلاستەردىڭ ەكونوميكالىق كورسەتكىشتەرىن تانىستىرا وتىرىپ، وندىرىستەگى كەيبىر كەدەرگىلەر تۋرالى ايتىپ بەردى.

«اق جول» فراكتسياسىنىڭ دەپۋتاتتارى ارىپتەستەرىنە ناقتى ۇسىنىستاردى ازىرلەۋدى ۇسىندى جانە ونى پىسىقتاپ زەردەلەگەننەن كەيىن ءماجىلىستىڭ قاراۋىنداعى «قورعانىس ونەركاسىبى جانە مەملەكەتتىك قورعانىس تاپسىرىسى تۋرالى» زاڭ جوباسىنا ەنگىزۋگە باستاماشىلىق ەتۋگە دايىن ەكەندىگىن ءبىلدىردى.

سونىمەن قاتار، كاسىپورىنداردى ارالاعان ءىس-ساپارعا پارتيا توراعاسىنىڭ ورىنباسارى ق.يسا، ءماجىلىستىڭ 6 شاقىرىلىمىنىڭ دەپۋتاتى ە.بارلىباەۆ، ءماجىلىستىڭ 5-ءشى شاقىرىلىمنىڭ دەپۋتاتى ا. تۇرتاەۆ، پارتيا ورتالىق كەڭەسىنىڭ مۇشەسى ا.سماعۇلوۆ جانە «اق جول» قدپ وڭتۇستىك-قازاقستان وبلىستىق فيليالىنىڭ توراعاسى ا.ءابجانوۆ تا قاتىستى.

ءدال سول كۇننىڭ كەشىندە تۇركىستان قالاسىندا پارتيانىڭ ورتالىق كەڭەسىنىڭ پلەنۋمى ءوتتى.

Abai.kz