68 جاستاعى اچيلوۆا 9 مامىر كۇنى تاڭەرتەڭ قالا سىرتىنداعى ماڭگىلىك الاۋ ەسكەرتكىش كەشەنىندەگى گۇل قويۋ ءراسىمىن سۋرەتكە تۇسىرۋگە شىققان.

ونىڭ ايتۋىنشا، ادامدارمەن بىرگە ەسكەرتكىش ورنالاسقان كوككە شىعىپ بارا جاتقان ءتىلشىنى قارا كوستيۋم كيگەن بىرنەشە ادام توقتاتىپ، مۇندا نە ىستەپ جۇرگەنىن سۇراعان. ول جەڭىس كۇنى تۋرالى رەپورتاج دايىنداۋعا كەلگەنىن تۇسىندىرە باستاعاندا، ەر ازاماتتار ايەلدى ۇستاپ، بالاعاتتاعان.

اچيلوۆانىڭ ايتۋىنشا، قارا كيىم كيگەندەر وعان سۋرەتتەردىڭ كوزىن جويماعان جاعدايدا، ەسىرتكى ءۇشىن قاماۋعا الامىز دەپ قورقىتقان. ءتىلشى بۇل تالاپتى ورىنداۋدان باس تارتقان سوڭ، ءبىر توپ ادام ونىڭ كامەراسىن كۇشپەن تارتىپ الىپ، سۋرەتتەردى جويىپ جىبەرگەن. جۋرناليستەن ازاتلىك راديوسىندا جۇمىس ىستەۋدەن باس تارتۋىن تالاپ ەتىپ، تاعى ەكى ساعاتتاي ۇستاپ تۇرعان. ودان سوڭ بوساتقان.

سولتان اچيلوۆا تۇركىمەنستاندا بۇعان دەيىن دە بىرنەشە مارتە قىسىمعا ۇشىرادى. وتكەن جىلى ماۋسىم ايىندا وعان ەكى مارتە شابۋىل جاسالعان.

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە،مىنا پاراقشاعا جازىپ قالدىرىڭىز!

Abai.kz