جەكسەنبى, 14 ءساۋىر 2024
3044 0 پىكىر 4 مامىر, 2018 ساعات 10:14

اسەت قۇرمانعاليەۆ «قازاقستان ينجينيرينگ» اق باسقارما توراعاسى بولىپ تاعايىندالدى

ۇكىمەت قاۋلىسىمەن اسەت قابيۇلى قۇرمانعاليەۆ قر قورعانىس جانە اەروعارىش ونەركاسىبى ۆيتسە-ءمينيسترى قىزمەتىنەن بوساتىلىپ، ديرەكتورلار كەڭەسىنىڭ شەشىمىمەن «قازاقستان ينجينيرينگ» ۇك» اق باسقارما توراعاسى لاۋازىمىنا تاعايىندالدى، دەپ حابارلايدى «primeminister.kz». 

اسەت قۇرمانعاليەۆ 1965 جىلى قاراعاندى وبلىسىندا دۇنيەگە كەلگەن. 1993 جىلى بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «زاڭگەر» ماماندىعى بويىنشا تامامداعان.

ەڭبەك جولىن 1983 جىلى باستاعان. ءار جىلدارى مەملەكەتتىك ورگاندار قۇرىلىمى مەن كوممەرتسيالىق كاسىپورىنداردا قىزمەت ەتكەن.

1998 جىلى قر قورعانىس مينيسترلىگىنىڭ قۇجاتتاۋ دەپارتامەنتىنىڭ قۇقىقتىق قامتاماسىز ەتۋ قىزمەتىنىڭ وفيتسەرى بولىپ تاعايىندالعان.

1998–2005 جىلدارى قر قورعانىس ءمينيسترىنىڭ اپپاراتىندا جۇمىس ىستەدى.

2005–2008 جىلدارى — قر قورعانىس مينيسترلىگىنىڭ زاڭ دەپارتامەنتىنىڭ باسشىسى.

2008–2009 جىلدارى «نۇر وتان» حدپ» قب-دە: ورتالىق اپپاراتتىڭ زاڭ دەپارتامەنتىنىڭ ديرەكتورى، قر پارلامەنتى ماجىلىسىندەگى «نۇر وتان» فراكتسياسىنىڭ اپپارات باسشىسى بولىپ ەڭبەك ەتكەن.

2009 جىلى — قر قورعانىس مينيسترلىگىنىڭ اپپارات باسشىسى، القا حاتشىسى.

2010–2011 جىلدارى قر قورعانىس ءمينيسترىنىڭ ورىنباسارى قىزمەتىن اتقاردى.

2011–2017 جىلدارى «قازارناۋلىەكسپورت» رمك باس ديرەكتورىنىڭ ۋ.م.ا.، باس ديرەكتورى، استانا قالاسى اۋىل شارۋاشىلىعى باسقارماسىنىڭ باسشىسى قىزمەتتەرىن اتقارعان.

2017 جىلدان باستاپ قر قورعانىس جانە اەروعارىش ونەركاسىبى ۆيتسە-ءمينيسترى لاۋازىمىن اتقاردى.

Abai.kz

0 پىكىر