جەكسەنبى, 14 ءساۋىر 2024
3197 2 پىكىر 4 مامىر, 2018 ساعات 08:56

ءسىم: ماسكەۋدەگى قازاقستاندىق ستۋدەنت قازاسى تەرگەلىپ جاتىر

قازاقستان سىرتقى ىستەر مينيسترلىگى ء(سىم) ماسكەۋدە ۋنيۆەرسيتەت عيماراتى تەرەزەسىنەن قۇلاعان قازاقستاندىق ستۋدەنت توميريس بايسافانىڭ ءىسى بويىنشا قازىر تەرگەۋدەن تولىق حاباردار ەمەس دەپ حابارلادى.

ءسىم ءباسپاسوز حاتشىسى ءانۋار جايناقوۆتىڭ ايتۋىنشا، تەرگەۋ ءالى ءجۇرىپ جاتىر، ازىرگە ەشنارسە بەلگىلى ەمەس. جايناقوۆتىڭ سوزىنشە، قىزدىڭ اتا-اناسى ماسكەۋگە بارعان جانە ولاردىڭ قاسىندا قازاقستاندىق ديپلوماتتار بار.

21 جاستاعى توميريس بايسافا 3 مامىردا سكليفوسوۆسكي اتىنداعى ماسكەۋ قالالىق جەدەل جاردەم عىلىمي-زەرتتەۋ ينستيتۋتىندا كوز جۇمدى. بۇل جەرگە ول 13 ءساۋىر كۇنى وقۋ عيماراتىنىڭ ءتورتىنشى قاباتىنداعى تەرەزەسىنەن قۇلاعان سوڭ جەتكىزىلگەن.

رەسەي تەرگەۋ كوميتەتى بۇل وقيعا بويىنشا ء"وزىن-ءوزى ولتىرۋگە دەيىن جەتكىزۋ" بابى بويىنشا قىلمىستىق ءىس قوزعادى. كەيبىر اقپاراتتارعا قاراعاندا، تەرگەۋشىلەر بۇل ءىس اياسىندا داعىستاننىڭ بۇرىنعى باسشىسىنىڭ 22 جاستاعى ۇلى مۋرتۋزالي مەدجيدوۆتى تەرگەگەن. كۋاگەرلەردىڭ سوزىنشە، مەدجيدوۆ وقيعا بولعانعا دەيىن اۋديتوريادا توميريس بايسافامەن بىرگە بولعان.

ءانۋار جايناقوۆ قازاقستاندىق ديپلوماتتار توميريس بايسافانىڭ ءمايىتىن قازاقستانعا جەتكىزۋدى ۇيىمداستىرىپ جاتقانىن ايتادى.

Abai.kz

2 پىكىر