بۇل جونىندە شۋ وبلىسى ىشكى ىستەر باسقارماسىنىڭ ءباسپاسوز حاتشىسى نازيرا يمانگازيەۆا حابارلادى. ونىڭ سوزىنشە، قاشقىندار قالانىڭ ماڭىنداعى ورماندى جەردەن تابىلعان.

ۋاقىتشا تەرگەۋ اباقتىسىندا جاتقان ۇشەۋ 1 مامىر كۇنى تاڭەرتەڭ 7 شاماسىندا قاشىپ كەتكەن. ولاردى ۇستاۋ ءۇشىن ءىىم وپەراتيۆتى قىزمەتى مەن شۋ وبلىسى ىشكى ىستەر باسقارماسىنىڭ تولىق قۇرامى جۇمىلدىرىلعان. ۇشەۋى دە توكموك قالاسىنىڭ تۇرعىنى بولعان.

ءىىم مالىمەتىنشە، ولاردىڭ ۇلكەنى 18 جاستاعى (2000 جىلى تۋعان) لەونيد ۆورونچيحين ۇرلىق جاسادى دەگەن كۇدىكپەن ۇستالسا، ەكىنشىسى 17 جاستاعى اناتولي پوروشين (2001 جىلى تۋعان) كىسى ءولتىردى دەپ كۇدىكپەن، ءۇشىنشىسى - 16 جاستاعى رۋسلان يۋسۋپاحۋنوۆ (2002 جىلى تۋعان) كولىك ۇرلادى دەگەن كۇدىكپەن ۇستالعان.

Abai.kz