ەرتە زاماندا قۇدەكەڭ ءبىر ەمەس، ون بىردەي ادامدى توپىراقتان جاساپتى. ونىڭ ءبىرى قوي، ءبىرى سيىر باعىپ، ەندى ءبىرى ەگىن ەگىپ دەگەندەي ءوز تىرشىلىكتەرىن جاساپ ءجۇرىپتى.

ءبىر كۇنى قۇدەكەڭ الگى ونىن شاقىرىپ الىپ، جاعدايلارىن سۇراپتى. ءبارى جاپاتارماعاي جاعدايلارىنىڭ جاقسى ەكەنىن ايتىپ، قۇدەكەڭە العىستارىن جاۋدىرىپتى. تەك ءبىر نارسەنىڭ جەتىسپەيتىنىن، ومىرلەرى ءىش پىستىرارلىقتاي سۇرەڭسىز ەكەنىن ايتىپ شاعىنىپتى. سوندا قۇدەكەڭ الگىلەرگە اشىعان قامىردى بەرىپ (ايەلدەردىڭ جاسى ۇلعايعان سايىن دەنەسىندەگى تسەلليۋليتى دە ۇلعاياتىنى سول اشىعان قامىردان دەيدى بىلەتىندەر):

- مىنادان ءوز قالاۋلارىڭشا (تولىق، ارىق، ۇزىن، قىسقا) ايەل جاساپ الىڭدار. جاساپ بولعان سوڭ، مەن ولارعا جان بەرەمىن. - دەپتى. الگى ون ەركەك جارىسىپ، جابىلىپ ءجۇرىپ ون قىزدىڭ ءمۇسىنىن جاساپتى. قۇدەكەڭ 10 ءتۇيىر قۇمشەكەردى ون ەركەككە بەرىپ، ءتاتتى بولۋى ءۇشىن ءار ايەلگە بىرەۋدەن قوسۋدى تاپسىرىپتى. بارلىعى سولاي ىستەپتى. ءبارىن بىتكەن سوڭ، قۇدەكەڭ:

- مەن سەندەرگە 11 ءتۇيىر قۇمشەكەر بەرىپ جىبەرىپپىن. قاي ايەلگە 2 ءتۇيىر كەتىپ قالدى ەكەن؟ - دەپ سۇراپتى. ەشقايسى ۇندەمەپتى.

سودان قۇدەكەڭ الگىلەردىڭ ايەلدەرىن تارتىپ الىپ، ابدەن ارالاستىرىپ، اركىمنىڭ پەشەنەسىنە قاراي قايتا ۇلەستىرىپ بەرىپتى.

ون ەركەكتىڭ توعىزىنا ءوزىنىڭ ايەلىنەن كورى بىرەۋدىڭ ايەلى سۇلۋ كورىنەتىنى سودان قالعان دەسەدى اڭىز. ال، ون ەركەكتىڭ تەك بىرەۋى عانا بارلىق ايەلدەردىڭ بىردەي ەكەنىن بىلەدى ەكەن. ويتكەنى، ارتىق ءتۇيىردى ءوزى جەپ الىپتى.

تى-تى: ءجاي، قىزدارعا سول قۇمشەكەر جەگەن ەركەكتىڭ ءبىرى ەكەنىمدى ايتايىن دەپ ەدىمم عوي...

بىرەۋدىڭ ماسكىبىشى بىرەۋگە مەرسەدەس كورىنىپتى...

ەرجان ءتالىپتىڭ Facebook-تەگى پاراقشاسىنان

Abai.kz