"سيريادا كوپ ادام، سونىڭ ىشىندە ايەلدەر مەن بالالار حيميالىق شابۋىل قۇربانى بولدى. بۇل زۇلىمدىق جاسالعان اۋداندى سيريالىق ارميا قورشاپ، وزگە ەلدەردىڭ كۋاگەرلەرىنەن جابىق ۇستاپ وتىر. پرەزيدەنت پۋتين، رەسەي مەن يران اسادتىڭ تاعىلىعىن قولداعانى ءۇشىن جاۋاپتى...", - دەپ جازعان ترامپ Twitter الەۋمەتتىك جەلىسىندەگى پاراقشاسىنا.

ترامپ "سيريا پرەزيدەنتى باشار اسادقا جاساعان زۇلىمدىعى اسا قىمباتقا تۇسەتىنى" تۋرالى مالىمدەگەن دەپ حابارلايدى "امەريكا داۋىسى".

ريم پاپاسى فرانتسيسك ءساۋىردىڭ 8-ءى كۇنى سيريادا ۋلى گاز قولدانىلعان شابۋىلدى قاتاڭ ايىپتادى. "سوعىستىڭ جاقسى يا جامانى جوق، جانە دە قارۋسىز ادامدارعا قارسى جاپپاي قىرىپ-جويۋ قۇرالىن قولدانۋدى ەش نارسەمەن اقتاۋعا بولمايدى", - ءداپ مالىمدەگەن جەكسەنبىدە ۆاتيكاندا ءدىني جورالعىنى وتەۋ كەزىندە پاپا فرانتسيسك.

"سيريادان ونداعان ادامدار قۇربان بولعان شابۋىلدار تۋرالى سۇمدىق حابارلار ءتۇسىپ جاتقان" شاقتا ريم پاپاسى ساياسي جانە اسكەري جەتەكشىلەردەن "بەيبىتشىلىك اكەلەتىن دارا جول - كەلىسسوز جولىن تاڭداۋدى" تالاپ ەتكەن.

Abai.kz