«ماعان ءجاننات ۋادە ەتىلدى..."
1981 جىلى 13 مامىردا ۆاتيكانداعى اۋليە پەتر الاڭىندا يوانن ءىى پاۆەل ريم پاپاسىنا تۇرىكتىڭ «بوزقۇرت» ۋلتراوڭشىلدار پارتياسىنىڭ مۇشەسى مەحمەت ءالي اگدجا دەيتىن تەررورشى تاپانشامەن وق اتىپ، اۋىر جارالادى.
كەيىن ريم پاپاسى وڭالىپ شىققاننان سوڭ، تۇرمەدە وتىرعان مەحمەت اليمەن كەزدەسىپ، جابىق ەسىك جاعدايىندا سويلەستى. ولاردىڭ اراسىندا بولعان اڭگىمە ءالى كۇنگە قۇپيا قالپىن ساقتاپ تۇر. سول جولى يوانن ءىى پاۆەل وزىنە شابۋىل جاساعان تۇرىك تەررورشىسىن كەشىرگەنىن ايتتى.
2000 جىلى يتاليا سوتى امنيستيامەن شىعارىپ، مەحمەت ءاليدى تۇركياعا ەكستراديتسيالايدى. 2010 جىلى تۇرىك تۇرمەسىنەن بوساپ شىققان مەحمەت ءالي ءوزىنىڭ كاتوليك ءدىنىن قابىلداعانىن ايتىپ، پولشاعا كوشكىسى كەلەتىندىگىن بىلدىرگەن.
مەحمەت ءالي 2010 جىلى شەتەلدىك جورنالشىلارمەن كەلىسىم-شارت جاساسقانىن، ءوزى بەرەتىن بىرنەشە حالىقارالىق سۇحباتتارى مەن ەكى كىتابى ءۇشىن 7 ميلليون دوللار الاتىندىعىن مالىمدەيدى.
2010 جىلدىڭ 18 قاڭتارىندا تۇرمەدەن شىعا سالىپ، مەحمەت ءالي ءوزىن يسا ءماسىح رەتىندە جاريالاپ، بۇكىل الەم وسى عاسىردىڭ سوڭىنا دەيىن وپات بولاتىنىن ايتادى. ونىڭ بۇل مالىمدەمەسىنەن كەيىن تۇرىك دارىگەرلەرى ونىڭ دەنساۋلىعى مەن پسيحيكاسىنا كۇمانمەن قاراي باستاعان. 2013 جىلى ونىڭ «ماعان ءجاننات ۋادە ەتىلدى» اتتى كىتابى جارىق كوردى...
قانات ەسكەندىر
Facebook-تەگى پاراقشاسىنان
