مەملەكەت باسشىسى الماتى وبلىسىنا باسىمدىق بەرەتىن بىرقاتار داقىلداردى، اتاپ ايتقاندا قانت قىزىلشاسىن، جۇگەرىنى جانە اپورت الماسىن ءوسىرۋدى دامىتۋدى مىندەتتەگەن بولاتىن. ماسەلەن، وتكەن جىلى قانت قىزىلشاسىنىڭ القابى 9 مىڭ گەكتارعا جەتكىزىلىپ، 363 مىڭ توننا ءونىم جينالدى، ودان 31 مىڭ توننا تازا قانت ءوندىرىلدى. جۇگەرى القابى 2,5 مىڭ گەكتارعا ۇلعايتىلىپ، 72 مىڭ گەكتارعا سەبىلدى، ودان 441,3 مىڭ توننا ءونىم جينالدى. بۇل ىسكە 3900 شارۋاشىلىق تارتىلىپ، وندا ون ءبىر مىڭنان استام اۋىل تۇرعىنى ەڭبەك ەتتى. بۇل جايىندا بۇگىن وبلىس اكىمى اماندىق باتالوۆتىڭ ەسەپ بەرۋ جيىنىندا ايتىلدى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

وبلىس باسشىسى اتاپ وتكەندەي، وتكەن جىلدىڭ قازان ايىندا اقسۋ قانت زاۋىتى ىسكە قوسىلىپ، وعان 11 ملرد. تەڭگە ينۆەستيتسيا سالىندى. كوكسۋ قانت زاۋىتىندا ەسكى قۇرىلعىلار جوعارى تەحنولوگيالى قۇرال-جابدىقتارعا اۋىستىرىلىپ، 3 ملرد. تەڭگەدەن استام سوماعا جاڭعىرتۋ جۇمىستارى جۇرگىزىلدى. سونىڭ ناتيجەسىندە زاۋىتتىڭ قۋاتتىلىعى ارتىپ، تاۋلىگىنە 2,0 مىڭ تونناعا دەيىن جەتتى. بيىلعى جىلى قانت قىزىلشاسىنىڭ القابى 12 مىڭ گەكتارعا جۋىقتايدى دەپ كۇتىلۋدە.

سونىمەن قاتار جاركەنت كراحمال-سىرنە زاۋىتىن جاڭعىرتۋ داندىك جۇگەرى وڭدەۋ قۋاتتىلىعىن جىلىنا 10 مىڭنان 54 مىڭ گەكتارعا دەيىن ارتتىرۋعا مۇمكىندىك بەردى. 400 شارۋاشىلىققا ارنالعان 8,3 گا الاڭعا قوسىمشا ەكى قىرمان سالىندى.

وبلىستا جالپى 3,3 مىڭ گا باق بار، سونىڭ 675 گەكتارى – اپورت. وتكەن جىلى 566 گەكتارعا باق وتىرعىزىلسا، سونىڭ 202 گەكتارىنا اپورت الماسى ەگىلگەن بولاتىن. مەملەكەت قولداۋىنىڭ ناتيجەسىندە تامشىلاتىپ سۋارۋ سەكىلدى وزىق تەحنولوگيالار قولدانىلاتىن ءىرى ينتەنسيۆتى باقتار كوبەيدى. ماسەلەن، ەڭبەكشىقازاق اۋدانىنداعى «امال بيو» («فرەشفۋد») جشس 45 گەكتارعا 127 مىڭ تۇپتەن استام 30 ءتۇرلى كوشەت وتىرعىزدى. ۇيعىر اۋدانىنداعى «Alma Prodex» جشس 20 گەكتارعا، سارقان اۋدانىنداعى «سارقان اگرو» جشس 100 گەكتارعا ەكتى.

- جالپى وبلىستاعى اگرارلىق سەكتوردا مەملەكەت باسشىسىنىڭ قانت قىزىلشاسىن، جۇگەرى مەن باق شارۋاشىلىعىن دامىتۋ تۋرالى تاپسىرمالارى ورىندالدى. باسىمدىق بەرىلەتىن داقىلداردى وسىرۋدەگى تاجىريبەلەرىمىزدى قولدانا وتىرىپ، ءبىز ەندى ءسۇتتى مال شارۋاشىلىعى مەن كارتوپ ءوندىرىسىن قولعا الۋدى باستايمىز، - دەدى ا. باتالوۆ.

Abai.kz