استانا: سيريا كەلىسسوزى ناۋرىزدىڭ ورتاسىنا جوسپارلانىپ وتىر
سيرياداعى داعدارىستى شەشۋ جونىندەگى استانا بەيبىت كەلىسسوزى ناۋرىزدىڭ ورتاسىندا وتەدى دەپ حابارلادى قازاقستان سىرتقى ىستەر مينيسترلىگىنە سىلتەگەن قازاقپارات اگەنتتىگى.
ءسىم ءباسپاسوز حاتشىسى ءانۋار جايناقوۆتىڭ ايتۋىنشا، سيريا كەلىسسوزىندەگى كەپىل ەلدەر رەسەي، تۇركيا جانە يران سىرتقى ىستەر مينيسترلەرىنىڭ كەزدەسۋى ناۋرىزدىڭ ورتاسىندا وتكىزۋ تۋرالى ۇسىنىس تۇسكەن. «ول كەزدەسۋ ناۋرىزدىڭ ورتاسىنا بەلگىلەنىپ وتىر. ءبىز كەزدەسۋگە قاتىسۋشىلاردان وسى كۇندى راستاۋىن كۇتىپ وتىرمىز» دەدى جايناقوۆ.
ال تاسس اگەنتتىگى 20 قاڭتاردا ماسكەۋدە ساپارلاپ جۇرگەن تۇركيا ۆيتسە-پرەمەرى بەكير بوزداگقا سىلتەپ، كەزدەسۋدىڭ 16 ناۋرىزدا استانادا وتەتىنىن حابارلادى.
بۇعان دەيىن استاناداعى سيريا بەيبىت كەلىسسوزىنىڭ كەلەسى كەزەڭى 20 اقپاندا وتەدى دەپ جوسپارلانعان ەدى.
Abai.kz
