2013 جىلعى 25 تامىزدا جازعان حاتىندا پەيدج ءوزىنىڭ كىتابىن شىعاراتىن باسپاگەرگە رەسەيدەگى وقيعالاردان وتە جاقسى حاباردار ەكەنىن ايتقان. «ءساتى ءتۇسىپ سوڭعى جارتى جىلدا مەن كۇن تارتىبىندە ەنەرگەتيكا ماسەلەلەرىنە اۋقىمدى ورىن بولىنگەن سانكت-پەتەربۋرگتەگى G-20 ءسامميتى ءۇشىن ءوز پرەزيدەنتىنە انىقتاما دايىنداعان كرەملدىك تالداۋشىلار كومانداسىنىڭ بەيرەسمي كەڭەسشىسى بولدىم»، - جازعان ول.

كارتەر پەيدج — وسى اپتادا اقش كونگرەسىندەگى رەسپۋبليكاشىل پارتيا وكىلدەرى جاريالاعان داۋلى مەموراندۋمدا اتالعان نەگىزگى تۇعالاردىڭ ءبىرى.

مەموراندۋم اۆتورلارى "فەدەرالدىق تەرگەۋ بيۋروسى (FBI) پەيدجدى اڭدۋعا سۋديادان رۇقسات سۇراعاندا وعان حيللاري كلينتوننىڭ سايلاۋالدى شتابىنا جۇمىس ىستەگەن بۇرىنعى اعىلشىن بارلاۋشىسى تاپقان مالىمەتتەر نەگىز بولعانىن اشىپ ايتپاعان" دەيدى.

اعىلشىن كريستوفەر ءستيلدىڭ سوزىنشە، پەيدج 2016 جىلى شىلدەدە ماسكەۋگە بارعان ساپارىندا رەسەيلىك ءىرى شەنەۋنىكپەن جانە رەسەي پرەزيدەنتى ۆلاديمير ءپۋتيننىڭ جاقىن توڭىرەگىندەگى تاعى ءبىر اداممەن كەزدەسىپ، ولارمەن كلينتوننىڭ سايلاۋ كامپانياسىنا زالال بولاتىنداي ەتىپ ترامپتىڭ سايلاۋ ناۋقانىنا قالاي جاردەمدەسۋ جايلى اڭگىمەلەسكەن. پەيدج ونداي اڭگىمەلەردىڭ بولعانىن جوققا شىعارادى جانە ستيل ءوز دەرەك كوزدەرىنىڭ اتى-ءجونىن اتاماعان.

كونگرەستەگى دەموكراتتار، سول ءتارىزدى فەدەرالدىق تەرگەۋ بيۋروسى مەن باس پروكۋراتۋرانىڭ جوعارى لاۋازىمدى تۇلعالارى رەسپۋبليكاشىلار جاريالاعان مەموراندۋم "وقيعانى بۇرمالاپ سۋرەتتەيدى، ويتكەنى پەيدجدى اڭدۋ تۋرالى سانكتسيا الۋعا بەرىلگەن وتىنىشكە ءستيلدىڭ عانا ەمەس، باسقا دا كوتپەگەن ءتۇرلى دالەل-ايعاقتار نەگىز بولعان" دەيدى.

Abai.kz