قازاقستاندا تاعى ءبىر جولاۋشىلار كولىگى ورتەندى، زارداپ شەككەندەر جوق
وڭتۇستىك قازاقستان وبلىسى ىشكى ىستەر دەپارتامەنتىنىڭ حابارلاۋىنشا، شىمكەنتتە جىبەك جولى كوشەسىندە جولاۋشىلار اۆتوبۋسى ورتەندى.
پوليتسيا اۆتوبۋستىڭ ورتەنىپ جاتقانىن باقىلاۋ كامەراسىنان بايقاعان. وقيعا ورنىنا بارعان سوڭ ءورت سوندىرۋشىلەر ءورتتى دەرەۋ سوندىرگەن.
ءىىد اقپاراتىنا قاراعاندا، «شاۋلين» ماركالى شاعىن اۆتوبۋس 22-مارشرۋت بويىنشا جولاۋشى تاسىمالداپ جۇرگەن. اۆتوبۋستا ءورت شىققاندا جۇرگىزۋشى مەن ەكى جولاۋشى بولعان. ورتتەن ەشكىم زارداپ شەكپەگەن.
وبلىستىق توتەنشە جاعدايلار دەپارتامەنتىنىڭ اقپاراتىنا قاراعاندا، ءورت اۆتوبۋستاعى ەلەكتر جەلىلەرىنىڭ قىسقا تۇيىقتالۋىنان شىققان.
قازىر وقيعانىڭ ءمان-جايى انىقتالىپ جاتىر.
Abai.kz
