ءبىر ادامدار بار، جىلدار بويى جۇمىس ىستەسە دە ويلاۋ دەڭگەيى دە، ومىرگە دەگەن كوزقاراسى دا ەش وزگەرمەيتىن، وسپەيتىن. تۋرا LADA سياقتى.

ولار ونى وزگەرتۋگە تالپىنبايدى دا. ەندى ءبىر ادامدار جىل وتكەن سايىن اقىل-وي، تاجىريبە تۇرعىسىنان ءوسىپ وتىرادى. تۋرا BMW سياقتى. ولار ءتىپتى قاراجاتى جاقسى بولسا دا، شىعارماشىلىق تۇرعىدان وسۋىنە كەدەرگى جاسايتىن جۇمىس بولسا، ونى سول ساتتە-اق تاستاپ كەتەدى. ونداي جانداردى كورىپ ءجۇرمىن.

ءبىرىنشى كاتەگوريانى دا ءجيى بايقايمىن. ادامداردى وسى تۇرعىدان ەكىگە جىكتەۋگە بولاتىن شىعار. "زونا كومفورتادان" قانشا قابىلەتتى بولسا دا شىققىسى كەلمەيتىندەر جانە كەرىسىنشە، جاڭا ءبىلىم مەن تاجىريبەدەن جانى ءلاززات الاتىندار. جيىرما جاسىندا باستاپ جيىرما جىل بويى ءبىر جەردە جۇمىس ىستەپ جۇرگەندەر بار. قانشا تاجىريبەسى بولسا دا، باسقا جەردە قاراجاتى ماردىمدىراق بولاتىنىن بىلسە دە، باسقا جۇمىستى يگەرىپ كەتەتىنىن سەزسە دە بارۋدان قورقاتىن. ال مەنىڭ ويىمشا جاستىق شاقتا مۇمكىندىگى كەلگەنشە ءۇش-ءتورت جۇمىس ورنىندا ىستەپ كورگەن دۇرىس. جانە ءبىرىنشى جۇمىس ورنىڭا قاراعاندا ەكىنشى جۇمىس ورنىڭ، ەكىنشىسىنە قاراعاندا ءۇشىنشىسى ادامعا بەرەتىن تاجىريبەسى مول بولۋعا ءتيىس دەپ سانايمىن. ارينە تەك سۋبەكتيۆتى پىكىرىم.

جاستىق شاقتا جۇمىس ورنىڭنان بارلىق تاجىريبەنى الىپ بولعاندا جانە ونىڭ ەندى ساعان ۇيرەتەرى قالماعاندا نەگە باسقا ورىنعا اۋىسپاسقا؟! جاستىق شاقتا ۇيرەنگەن دۇرىس. مىنا سۋرەتتى كورگەندە تۋرا سونداي وي كەلدى.

اسحات قاسەنعالي

Facebook-تەگى پاراقشاسىنان