وزبەكستان يمام ءال بۇحاري تۋرالى قىمبات فيلم تۇسىرەدى
كينورەجيسسەر رۋستام ساگديەۆ، وزبەكستان پرەزيدەنتىنىڭ نۇسقاۋىمەن، IX عاسىردا ءومىر سۇرگەن بەلگىلى يسلام عالىمى يمام ءال بۇحاري تۋرالى ەكى سەريالى كوركەم فيلم تۇسىرەدى. جاڭا تۋىندىعا قوماقتى قاراجات بولىنەدى.
كينورەجيسسەردىڭ ءوزىنىڭ حابارلاۋىنشا، ءفيلمدى مەملەكەتتىك «وزبەككينو» كومپانياسى مۇسىلمانداردىڭ ءدىني باسقارماسىمەن بىرلەسىپ، مەملەكەتتىك گرانت ەسەبىنەن تۇسىرەدى.
ەسكە سالايىق، وتكەن جىلدىڭ سوڭىندا پرەزيدەنت شاۆكات ميرزياەۆ وزبەك كينوماتوگرافيستەرىمەن كەزدەسىپ، مەشىتتەردە كورسەتۋگە بولاتىن يسلام تاقىرىبىندا فيلم ءتۇسىرۋدى ۇسىندى.
ء"بىزدىڭ بابالارىمىز - يمام ءال بۇحاري جانە ات-تەرميزي تۋرالى فيلم نەگە جوق؟" - دەپ سۇراعان پرەزيدەنت.
«پرەزيدەنت بىزگە قاراجات جاعىنان قيىندىق بولمايدى دەپ ۋادە ەتتى", - دەدى رۋستام ساگديەۆ.
كينورەجيسسەر "يمام بۇحاري" الەم ەكراندارىنا شىعادى دەپ ۇمىتتەنەدى.
Abai.kz
