قازاقستاننىڭ ۇلتتىق قاۋىپسىزدىك كوميتەتى (ۇقك) ۇزاق ۋاقىت بويى زاڭسىز وندىرىلگەن التىن كەنىن كونتراباندالىق جولمەن قىتايعا تاسىعان "قىلمىستىق توپتىڭ" ۇستالعانىن مالىمدەدى، - دەپ حابارلايدى اباي-اقپارات.

ۇلتتىق قاۋىپسىزدىك كوميتەتىنىڭ ءباسپاسوز قىزمەتىنىڭ حابارلاۋىنشا، الماتى، استانا جانە ستەپنوگورسك قالالارىندا جۇرگىزىلگەن ارنايى وپەراتسيا كەزىندە، اراسىندا قىتاي ازاماتى بار قىلمىستىق ۇيىم مۇشەلەرى قۇرىقتالعان.

"التىنكول بەكەتىندە 106 توننا قۇرامىندا التىن بار كەن تيەلگەن ەكى ۆاگون توقتاتىلىپ، جالعان قۇجاتتار تاركىلەنگەنى حابارلانىپ وتىر. التىن كەندەرىن ساقتاۋعا ارنالعان ورىندارعا ءتىنتۋ جۇرگىزىلدى. كەندى التىن بارىنا تەكسەرۋگە ارنالعان، كىشىگىرىم زەرتحانا انىقتالدى. بۇل دەرەكتەرگە قاتىستى سوتقا دەيىنگى تەرگەۋ باستالدى جانە قاجەتتى ساراپتامالار جۇرگىزىلىپ جاتىر. وزگە اقپارات تەرگەۋ ماقساتىندا جاريالانبايدى", - دەيدى كوميتەت وكىلدەرى.

Abai.kz