ونىڭ سوزدەرىنشە، اكتسيا جالعاسىپ جاتىر. ەسكە سالا كەتسەك، قوعامدىق بەلسەندى 29 جەلتوقساندا جوعارعى سوت الدىندا اقشا جيناۋ ءۇشىن اكتسيا وتكىزگەن. ول سول كەزدە «باق-قا 40 ملن سوم ايىپپۇل تولەتۋ تۋرالى زاڭسىز شەشىم شىعارعان سۋديالار دا بۇل اكتسياعا قاتىسۋ كەرەك» دەگەن.

باس پروكۋروراتۋرا ەكس-پرەزيدەنت المازبەك اتامباەۆتىڭ ابىرويىن قورعاۋ ماقساتىندا Zanoza.kg سايتى مەن جۋرناليستەرگە 27 ملن سوم (385 مىڭ دوللاردان استام) ايىپپۇل تولەۋ جونىندە سوتقا شاعىم تۇسىرگەن. سوت شەشىمىمەن، باسىلىمعا 15 ملن سوم، جۋرناليستەر نارىن ايىپقا – 9 ملن، دينا ماسلوۆاعا – 3 ملن سوم ايىپپۇل تولەۋ مىندەتتەلسە، "ادىلەت" قۇقىقتىق كلينيكاسىنىڭ جەتەكشىسى چولپون جاكۋپوۆا 3 ملن سوم تولەۋ كەرەك بولعان.

سوتتا ءالى جۋرناليستەر مەن ادۆوكاتتارعا قاتىستى ەكى ءىس جاتىر. بىرەۋى – "داچي-سۋ" ءىسى بويىنشا "اتا مەكەن" پارتياسىنىڭ زاڭگەرلەرى قاناتبەك ازيز بەن تاالايگۇل توكتاكۋنوۆاعا قاتىستى، ولاردىڭ ارقايسىسىنا 5 ملن سوم ايىپپۇل تالاپ ەتىلگەن.

بىشكەك قالالىق سوتى سوورونباي جەەنبەكوۆ شتابىنىڭ شاعىمى بويىنشا جۋرناليست كاباي كارابەكوۆكە جانە 24.kg اقپارات اگەنتتىگىنە شىعارىلعان اۋداندىق سوت شەشىمىن سول كۇيىندە قالدىردى. سوت شەشىمىنە سايكەس، جۋرناليست جانە اگەنتتىك ارقايسىسى جەەنبەكوۆكە 5 ملن سوم ايىپپۇل تولەۋى ءتيىس.

وسىعان دەيىن حابارلاعانداي، قىرعىزستانداعى ون جەتى باق پەن مەديا ۇيىم جۋرناليستەردى قولداپ، اقشا اۋدارعان.

Abai.kz