بىرقاتار قازاقستاندىق ينتەرنەت-رەسۋرستارىندا «Halykcoin – العاشقى حالىقتىق كريپتوۆاليۋتا» شىعارىلعانى تۋرالى جاريالانىمدار شىعۋىنا بايلانىستى «قازاقستان حالىق بانكى» اق (بۇدان ءارى - بانك), Halyk / حالىق ساۋدا ماركاسىنىڭ زاڭدى قۇقىق يەسى رەتىندە، بۇل جاڭالىق بويىنشا تۇسىنىك بەرۋ قاجەت دەپ سانايدى.

بانكتىڭ بۇل ءونىمدى ازىرلەۋگە ەشقانداي قاتىسى جوق جانە دە وزدەرىن وسى كريپتوۆاليۋتانى ازىرلەۋشىمىز دەپ اتاپ جۇرگەن تۇلعالارعا ءوزىنىڭ ساۋدا ماركاسىن قولدانۋعا رۇقسات بەرمەگەن. سوندىقتان دا، بانك وسى قارجى قۇرالعا  جاسالاتىن كەز كەلگەن ينۆەستيتسيالاردىڭ قاۋىپسىزىدىگى مەن پايدالىلىعىنا قاتىستى ەشقانداي كەپىلدىك بەرمەيدى.

بانك «جوبانىڭ رەسمي سايتى» رەتىندە بەرىلگەن رەسۋرس www.halykcoin.org ينتەرنەت-رەسۋرسى شەتەلدەگى بەلگىسىز تۇلعاعا رەسىمدەلگەنىن بارلىق مۇددەلى تۇلعالاردىڭ نازارىنا جەتكىزۋدى ءوز بورىشى دەپ سانايدى، بۇل جاعداي ازىرلەۋشىلەردىڭ جوبانىڭ ءتيىستى اشىقتىعىن قامتاماسىز ەتۋگە مۇنداي نيەتى كۇدىك تۋدىرادى. ودان بولەك، www.halykcoin.org ينتەرنەت-رەسۋرسى جاسىرىن بولۋىنا بايلانىستى فۋنكتسيونالدىڭ باسىم بولىگى جۇمىس جاسامايدى، ول الاياقتىقتىڭ جوعارى ىقتيمالىن بىلدىرەدى.

ىقتيمال الاياقتىق ارەكەتتەردى بولدىرماۋ جانە Halyk/حالىك ساۋدا ماركاسىنا ءوزىنىڭ زاڭدى قۇقىقتارىن قورعاۋ ماقساتىندا بانك  وز قۇقىعى مەن مۇددەلەرىن قورعاۋ ءۇشىن مەملەكەتتىك ورگاندارعا جۇگىنۋ قۇقىعىن وزىنە قالدىرادى.

ايتىلعان دەرەكتەردى ەسكەرە وتىرىپ، جانە دە ءوز كليەنتتەرى مەن قازاقستان ازاماتتارىن ىقتيمال قارجىلاي زالالداردان اراشالاۋ نيەتىمەن وسىنداي سيپاتتاعى كەز كەلگەن حابارلاندىرۋلارعا ساق بولۋعا شاقىرادى. وسى نارىقتىڭ جوعارى قۇبىلمالىلىعىن، ناقتى اكتيۆتەرمەن قامتاماسىز ەتىلمەۋىن، سونداي-اق قازاقستان اۋماعىندا كريپتوۆاليۋتالار اينالىمى ءۇشىن نورماتيۆتىك-قۇقىقتىق بازانىڭ بولماۋىن ەسكەرە وتىرىپ، بانك كريپتوۆاليۋتالارمەن جاسالاتىن كەز كەلگەن وپەراتسيالاردى جوعارى تاۋەكەلدى دەپ باعالايدى.

قۇرمەتپەن،

قازاقستاننىڭ حالىق بانكى ءباسپاسوز قىزمەتى

Abai.kz