الماتى قالاسى تىلدەردى دامىتۋ باسقارماسىنىڭ 2017 جىلعا ارنالعان جوسپارىنا سايكەس «رۋحاني جاڭعىرۋ» باعدارلاماسى اياسىندا مەملەكەتتىك ءتىلدى مەڭگەرگەن ەتنوس جاستارى اراسىندا 2017 جىلى 17 قاراشا كۇنى «ءتىل-پاراسات» اتتى قالالىق بايقاۋىن وتكىزدى، دەپ حابارلايدى "Abai.kz" اقپاراتتىق پورتالى.

بايقاۋ جاستاردىڭ اراسىندا مەملەكەتتىك ءتىل ساياساتىن كەڭىنەن ناسيحاتتاۋ، قازاق ءتىلىنىڭ قولدانىلۋ اياسىن كەڭەيتۋ جانە دارىندى جاستارعا جان-جاقتى قولداۋ كورسەتۋدى كوزدەدى. مەملەكەتتىك ءتىلدىڭ قولدانۋ اياسىن ارتتىرۋ، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ، جاستار اراسىندا كىتاپ وقۋ مادەنيەتىن دامىتۋدى ماقسات ەتكەن.

بايقاۋعا قاتىسۋشىلار بايقاۋ شارتى بويىنشا تومەندەگىدەي كەزەڭدەر بويىنشا سايىسقا ءتۇستى:

-ۇسىنىلعان تاقىرىپ بويىنشا دايىندىقسىز اۋىزشا تۇساۋكەسەر جاساۋ (2-3 مين.);

-بەرىلگەن تاقىرىپ بويىنشا ەسسە جازۋ (كولەمى 1,5-2 بەت، ۋاقىتى 35 مين.);

-تاڭداپ الىنعان بيلەتى بويىنشا جۇپپەن اۋىزشا ديالوگ قۇرۋ (3-5 مين.);

-«شابىت جۇلدىزى» قازاقشا ءان ورىنداۋ، بي، كۇي نەمەسە كوركەم شىعارمادان ءۇزىندى وقۋ ء(ۇي تاپسىرماسى، 3-5 مين.).

«ءتىل – پاراسات» قالالاىق بايقاۋى الماتى قالاسى تىلدەردى دامىتۋ باسقارماسىنىڭ ۇيىمداستىرۋىمەن الماتى قالاسى ورتالىق مەملەكەتتىك مۇراعاتىنىڭ عيماراتىندا مەملەكەتتىك ءتىلدى ەركىن مەڭگەرگەن ورىس ۇلتىنىڭ جاستارى اراسىندا ءوتتى.

بايقاۋعا الماتى قالاسى اۋداندارىنان مەملەكەتتىك ءتىلدى ەركىن مەڭگەرگەن 18-22 جاس ارالىعىنداعى 13 ۇمىتكەر قاتىسىپ، تومەندەگىدەي سايىس تۇرلەرىنەن باق سىناستى:

1. ءوزىن-ءوزى تانىستىرۋ;

2. بەرىلگەن تاقىرىپ بويىنشا ەسسە جازۋ;

3. تاڭداپ الىنعان بيلەتى بويىنشا جۇپپەن اۋىزشا ديالوگ قۇرۋ;

4. «شابىت جۇلدىزى» قازاقشا ءان ورىنداۋ، بي، كۇي نەمەسە شىعارمادان ءۇزىندى وقۋ.

بايقاۋعا ناۋرىزباي اۋدانىنىڭ اتىنان 22 جاستاعى ۋلچەنكو اناستاسيا يۋرەۆنا قاتىسىپ، قاسيەتتى قازاق ءتىلىنىڭ 2- ءشى تۇعىرىنا كوتەرىلىپ، اۋداننىڭ ابىرويىن اسقاقتاتتى.

جالپى ناتيجە بويىنشا المالى اۋدانى – 1 ورىن، ناۋرىزباي اۋدانى – 2 ورىن، تۇركسىب اۋدانى – 3 ورىنعا يە بولدى.

بارلىق قاتىسۋشىلاردى شىن جۇرەكتەن قۇتتىقتاپ، رەسپۋبليكالىق بايقاۋعا جولداما العان جەڭىمپازعا ساتتىلىك تىلەيمىز.

قاتىسۋشىلارعا ويدى جەتكىزە ءبىلۋ شەبەرلىگى مەن سويلەۋ مادەنيەتىن كورسەتۋ تالابى قويىلدى. ءبىرىنشى، ەكىنشى، ءۇشىنشى جۇلدەلى ورىن العاندارعا ءتيىستى دارەجەدەگى ديپلومدار مەن باعالى سىيلىقتار، قاتىسۋشىلارعا العىس حاتتار مەن ەستەلىك سىيلىقتار تاپسىرىلدى.

Abai.kz